【万千星辉颁奖礼】林凯恩未获奖台上先爆喊：对我嚟讲系梦想成真

林凯恩（Iris）今日（11/12）到将军澳电视广播城出席无线（TVB）《万千星辉颁奖典礼2019》提名名单公布活动，Iris凭《爱·回家之开心速递》Bonnie一角，获提名“最佳女配角”及“飞跃进步女艺员”两项大奖，上台拉票时，Iris已经忍不住激动流泪，事后她解释：“听到有两个提名已经好激动喊出嚟，冇谂过可以以个人名义出现喺呢个台。一个咁平凡嘅女仔，好多谢TVB呢个家庭畀咁多嘢我，同埋好多前辈睇住我。”

Iris事前并不自己知道获提名：“真系冇谂过，对我嚟讲已经系bonus，梦想成真。我只手一路震紧，我仲未相信系事实。”未获奖便哭成泪人，Iris不怕被人批评造作：“一直我都系用傻更更形象出现，想同支持我嘅人分享呢种喜悦。想畀大家知道林凯恩有呢种肯定。”作为新人便获两大奖项的提名，Iris否认上位：“从来都冇呢种感觉，自己仲有好多嘢要学习，我好享受拍摄嘅过程。好多好嘅前辈、台前幕后令我更加进步。冇话上唔上位，希望观众见到我嘅进步。当初希望用笑容改变世界，会继续努力，唔会忘记当初嘅承诺。”Iris期望《爱回家》其他演员都能一同踏上颁奖礼的舞台。