【潮流日常】周慧敏陈年证件相惹关注　冻龄有术难辨拍摄年份

永远嘅玉女掌门人周慧敏眨下眼原来已经52岁，呢日佢分享一张90年代嘅影楼证件相，见到相中嘅Vivian同依家外貌基本上完全无分别，网友不禁笑言睇佢嘅相好难分到系咩年代拍摄，真正做到“年年25岁一样”，Vivian都有一套冻龄妙法。

圣诞就到，准备好礼物未？投【01最赏睇娱乐大奖】，有大把礼物抽㖞！超过70万元丰富奖品，包括旗舰手机11 Pro Max、Dyson风筒，仲可以有01积分换唔同礼品！

点击睇更多Vivian当年靓相：

1. 避免晒太阳

唔少人钟意进行晒得一身健康肤色，但紫外线会加速皮肤老化更易显老，Vivian肌肤一向相当雪白，佢坦言自己唔太钟意搽防晒，所以26岁后已经无再去晒太阳。如果真系要到户外活动，都一定会著上长袖衣物，减少紫外线对肌肤嘅伤害。

2. 著重养生

容易手脚冰冷嘅Vivian，曾经分享过一年四季，随身一定会带住一条颈巾减少寒气入侵，更笑言“无咗佢我人生就玩完”。另外会尽量少饮冻饮，每日一起身饮一杯热水令身体保持暖和。

3. 只食八分饱

小食多餐对身体系最理想，而Vivian同一般女仔一样会食零食同甜品，但每餐坚守只食八分饱，尽量多菜少肉，少油少糖，多食鱼，吸收大量纤维有助排便，毒素去得快皮肤状态自然更好。

4. 每周运动1至2次

虽然外表弱质纤纤，但Vivian其实都相当热衷做运动，除咗至爱嘅桌球以外，亦不时做瑜珈以及健身。佢曾经喺IG分享：“大家常问我怎样keep fit，最简单又真实的答案就是“要做运动 ”做gym已成为我的生活习惯，锻炼体魄同时还大大让我感受到快乐贺尔蒙“安多芬”的力量，每次都踏著轻快的脚步离开健身室。”