余香凝曾被指拜金 望与另一半价值观相同：有钱人谂嘢好离地
近年积极发展演艺事业的余香凝（Jennifer），在2017年首度参演电影《骨妹》就获提名金像奖最佳新演员，去年她更凭《逆流大叔》、《非同凡响》分别提名最佳女配角及最佳女主角，演技备受肯定。但去年6月Jennifer与拍拖近4年的陈家乐分手后，即成为网民的攻击对象，纷纷痛批她拜金，令她形象大损。她日前接受电台节目《1圈圈 星光背后》访问时，就剖白感受。
《01最赏睇娱乐大奖》即日起至12月24日接受投票喇，仲可以参加劲抽双重奖，随时赢旗舰手机11 Pro Max、Dyson风筒、01积分等，总值超过70万元！
Jennifer与陈家乐拍拖三年几，不时在网上放闪，家乐更曾表示一早已经视对方为结婚对象，但去年6月突然传出两人分手的消息，有指导火线是女方与保险才俊Victor挞着。事件曝光后，Jennifer被网民大骂是“拜金女”，她在节目中就坦言不开心：“我辛辛苦苦做嘢，但有呢个名衔出咗嚟。（会唔会惊富有嘅人追你？）我对任何人都唔会惊，反而我系会惊价值观唔同。因为当你好有钱嘅时候，可能谂嘢会好离地，有好多嘢我觉得应该系咁，但你觉得唔系，所以价值观唔同系冇办法一齐。”
Jennifer因为分手一事受千夫所指，或多或少与他们恋情太高调有关，但她就坦言在处理感情事方面不会刻意低调：“未知，但我觉得如果𠮶个人真系Mr. Right，其实又唔使惊。我系演员，但我始终都要生活，先可以感受到做人感受到嘅嘢。如果你成日觉得我系一个Artist，所有嘢都要神神秘秘，你根本感受唔到生活。”现时单身的Jennifer，就希望找到一个工作认真，可以帮她分担烦恼的另一半。
虽然曾被网民辱骂，Jennifer更一度将IG的留言功能封锁，连带以前所有Post的留言都消失，但她如今就学会坦言面对负评：“娱乐圈就系咁样运作，当然新闻会影响到一个人嘅形象，但系我视自己系一个演员，同埋我哋呢一代嘅演员成日都可以同观众交流，所以我觉得好多眼睛雪亮嘅观众睇完我做戏，或者同我交流过，知道发生紧咩事嘅人就会知道。”