胡说八道成员马尔代夫放假晒泳装照 齐做“影后”边个最Fit？
撰文： 洪晓璇
出版：更新：
马尔代夫系度蜜月胜地，阳光与海滩加一望无际醉人海景，同闺蜜姐妹组团去一样咁正﹗胡说八道会几位成员最近齐齐去到马尔代夫旅行，不停上载靓相，除咗靓靓沙滩裙，当然唔少得齐齐著泳装！呢张美背图大家又分唔分到系边个？
点击睇胡说八道靓相!姚子羚超靓泳衣
+18
每次佢哋一齐去旅行，都会Book间靓酒店享受人生，呢次都唔例外。佢哋呢朝就喺无边际泳池，浸住水食早餐，仲要互喂相当温馨。要浸落水，大家当然都会换上泳衣，胡杏儿、胡定欣、胡蓓蔚、姚子羚、李施嬅拣选唔同款式嘅泳衣，无论系李施嬅嘅斜肩款，胡杏儿胡蓓蔚Tube top抹胸款，抑或胡定欣姚子羚嘅deep V款式，都各有美态。
浸喺水入面睇得唔太清楚，另一张“影后图”就完美示范几位有几FIT。由左起出名黄蜂腰嘅胡定欣，左二生完两个小朋友都咁FIT嘅胡杏儿，仲有姚子羚同胡蓓蔚，大家又觉得边个最FIT？