【潮流日常】岑丽香大玩唇妆　珊瑚色系成最爱

仲有唔到一个月就系普天同庆嘅圣诞节，女士们又系时候为一个个派对准备唔同造型。今年平安夜系星期二，想放工后迅速变妆，著眼玩唇色就最快捷，不妨参考靓妈岑丽香嘅妆容。

香香公主一向走甜美路线，整体俾人感觉好似洋娃娃咁，佢始乎相当满意自己嘅咀仔，无论出席活动定工余时间，都会搽唔同色系唇膏，展现不同感觉。

少女味珊瑚色

即使已经做咗妈妈，香香依旧少女味甚浓，出席比较轻松嘅活动，香香都会搽珊瑚色系唇膏，配以伞裙公主头，似足二十出头嘅邻家女孩。私底下淡妆时香香都钟意珊瑚色系唇膏，就连囝囝百日宴都搽呢种颜色。

女人味火红色

女艺人不时要盛装出席活动，火红唇色绝对系不二之选。大红色调向来极适合亚洲女士肤色，既瞩目又显白，自信满满魅力十足。香香有时MIX AND MATCH色彩斑斓连身裙，令整体造型更复古突出。