【森美旅行团3】 必试超高质天妇罗蛋　高円寺A级食店永远排长龙

高円寺有唔少二手小店，售卖各种古著、古书、玩具，吸引不少游客去“寻宝”。《森美旅行团3》亦有走访高円寺，亦去到于网上极高人气嘅天妇罗店天すけ，店家由于只得12个吧台位，所以不时都大排长笼。当中最出名嘅就系玉子天丼，落单后，师博即时喺客人面前表演花式煮天妇罗蛋，再配埋秘制酱汁，绝对系捞饭首选。如果唔够的话，仲可以叫套餐，加埋虾、花枝、鱼、西兰花、青椒等天妇罗，全部都脆而不油，价钱都只系1300日圆(约93港元）仲送埋个汤。
 

【info】
天すけ
地址：东京都杉并区高円寺北3-22-7 Plaza高円寺　
电话：+81 (0)3 3223 8505
 

除咗天妇罗店之外，森美亦带队去食一人烧肉，同样都系喺高円寺，同样都系得吧台座位。该店老板只会入手原只国产黑毛同和牛。单系内脏就多达32款，最平10円就有交易，而胃、心、大肠、脷、颈肉、横隔膜等全 100 日圆以下。
 

如果唔食豚肉的话，亦有霜降牛肉，只需300日圆。森美同吴若希就试咗七打和牛柳，兼且加埋金箔。佢大赞和牛柳入口即化，但不会太油腻，恰到好处。店家提供6款蘸料，盐都细分三款，非常讲究。

【info】
肉合战
地址：东京都杉并区高円寺北3-1-15
电话：+81 (0)3 5356 6299

今集森美和丁子朗就亲身体验相扑，体力劳动完，佢哋去到墨田区一间由相扑手开设的火锅店。传统的相扑火锅大多只有鸡肉，没有牛肉和猪肉，因为佢哋认为相扑时只能两只脚掂地，但猪、牛都全部都系四脚触地，所以并不吉利。

【info】
ちゃんこ雾岛
地址：东京都墨田区横网1-3-20
电话：03-6658-8033