【潮流日常】林泳淘打造文青味 四眼妹可爱感提升：钟意大镜片
撰文： 洪晓璇
出版：更新：
潮流唔单止系衣著，由头到脚发型饰物到眼镜都可以改变成个造型嘅气质。以前四眼妹被认为系唔识打扮，但近年兴起“眼镜娘”一词，戴眼镜戴得好睇一样可以被追捧，林泳淘就系其中一个。睇佢IG有唔少戴眼镜嘅相片，佢接受《香港01》访问时就分享拣眼镜心得：“我比较嘅眼镜。”
Wingto呢日分享两张型格靓相，著上黑色透视装戴上太阳眼镜，衬到绝一绝，回眸一刻杀死人﹗不过佢接受访问时就话：“其实我系近视妹，四百几度近视，百几度散光，应该屋企近视眼镜多过太阳眼镜。”
睇返Wingto嘅IG又的确不时戴眼镜现身，仲好似特别偏爱圆圆地嘅镜框：“其实唔同形状眼镜我都有，不过通常镜片偏大，因为可以遮下块面显得无咁大哈哈哈﹗平时戴眼镜会素颜唔化妆，不过最近去配眼镜舖头啲人教我，如果戴潮款少少化返淡妆会好睇啲，因为大家会聚焦喺眼，化少少妆会精神啲。”
就同衣物发型一样，眼镜一样每季有唔同潮流，Wingto就话：“我觉得粗框系早几年兴啲，依家潮流趋势应该比较兴金属框有复古味道嘅眼镜，少少文青feel舒服感觉，好似化妆咁都无以前咁大浓妆，自然风一啲。”
点击睇更多Wingto眼镜照：
+1