【多功能老婆】小演员阮天宝获大赞好演技　全剧最好戏竟然系佢？

无线台庆剧《多功能老婆》之“爱情序章”记者会于将军澳电视城举行，出席演员包括有陈炜、周柏豪、黄浩然、朱晨丽及洪永城等，除了众星之外，另一焦点就是现年7岁新晋童星阮天宝身上，剧中他饰演杨千嬅的儿子，据说在戏中有神勇演技，备受幕后赞赏，连同剧演员都比不下去，听落相当犀利。

对于儿子被幕后激赞好演技，阮太接受《香港01》访问时坦言不敢当：“佢冇学过演戏，可能自己本身7年前做过两间电视台嘅编剧，可能系解构个剧本嘅时候，可能畀到佢多少资讯，令佢明白啲嘅故仔，等佢容易啲消化，其实睇住佢拍戏，呢个对小朋友嚟讲，系好难得嘅经验，望住佢成长咗好多。”

（囝囝咩机缘参演呢部？）阮太表示：“其实天宝系监制陈宝华个契仔，𠮶阵时咁啱想揾小演员，畀咗个机会佢嚟试镜，导演亦觉得佢好适合，所以最终都畀咗呢个角色佢去做。”（天宝被问到今晚剧集首播会否收看？）他一面稚气说：“如果做完功课就会睇，因为仲有两份功课要做，但有一样功课麻麻地，我谂听日都要做多一阵间。”

（同杨千嬅做对手戏紧唔紧张？）天宝腼腆说：“都紧张㗎，有阵时会唔记得咗对白。”（觉得千嬅姐姐点样？）天宝快语话：“佢好靓。”（妈咪靓啲定千嬅姐姐靓啲？）天宝犹豫两秒话：“两个都靓！”幕后大赞有天份，果然系有迹可寻，天宝除咗演戏叻之外，原来讲嘢都好叻，氹得在旁妈咪满心欢喜。