【30分钟大放𩠌】Yanny@Super Girls厨艺劲　自爆用美食箍住男友

由卢颂恩（妹头）、黄芳雯、邝芷凡主持的香港开电视节目《30分钟大放𩠌》，日前邀请了乐坛女子组合Super Girls成员Yanny陈颖欣担任星级嘉宾，席上Yanny除了炮制4款东南亚菜式外，又与主持人妹头大谈入厨心得，坦言女士们要有一手好厨艺，才能成功箍住另一半的心。

节目中，Yanny表现有板有眼，更被一众工作员封为“煮得之人”，Yanny表示：“因为自己好钟意食嘢，想随时随地都有嘢食，所以唯有靠自己。我最拿手就系善用厨余，我会将喺街食饭剩嘅厨余打包番屋企，然后再重新调配成为另一味菜式。”问到会否用美食箍住男友陈考威的心，Yanny甜丝丝表示男友最爱牛油鸡翼，平时多数谢绝男友入厨帮手，她笑说：“我嘅另一半，多数都超级有口福，因为我会喺对方未开口话肚饿，已经煮定晒嘢食，最难忘有次整咗寿司卷畀对方，但因为把刀唔够利，切唔到，最终要对方成条寿司卷咬住食。”

Yanny熟练的厨艺，就连身旁的妹头亦感到惊讶，自嘲厨艺麻麻的妹头，表示一年最少入一次厨，但每次都是失败而回：“我都有煮饭畀男友食，通常大时大节，好似圣诞节咁，我都会亲切下厨，年年煮，年年都失手，煮饭对我嚟讲有啲压力，又或者可能我太求其，出嚟效果都唔太好食。（男友有何反应？）被迫都要食晒同赞好味，哈哈。”妹头笑言会向Yanny拜师学艺，希望成为小厨神。