【解决师．专访】杨柳青全祼出浴备受关注：去到现场都几尴尬
杨柳青（Wiyona）近日因为在无线台庆剧《解决师》中的两场戏而深受观众欢迎，一场是与李天祥一起拍摄的全裸出浴戏；另一场是在游艇穿性感比坚尼引诱温家伟。
重温一下杨柳青的精彩演出：
“其实我本身以为自己个接受能力都几大，但当去到现场系都几尴尬。”Wiyona说，“最重要系天祥令我完全冇尴尬，因为佢全程系望住个天花板冇望过我，令我系好放心咁企喺佢前面，然后roll咗机，佢先至望住我做戏。”
临时全裸
其实《解决师》是Wiyona在无线的第二套作品，2017年已获知名TVB监制刘家豪看中，加盟《溏心风暴3》饰演Jenny一角，而最令观众印象深刻的，就是她灵活的身手以及膝撞黄宗泽的一幕。今次Wiyona能参演《解决师》，亦是由家豪哥提携，但今次Wiyona不需要打斗，反而是一名性感女秘书Tracy，至于该场全裸出浴戏，原来是接拍后才收到“加场”通知，她忆述：“本身系听闻唔系咁样拍嘅，但有个女导演就觉得，天祥啲戏就主要净系打，忟憎啦，所以佢嘅戏就多数都系打斗、嬲呀咁，如果有一场系Soft啲，去平衡返，咁观众嘅感觉就会唔同，所以先多咗一场咁嘅戏。”
全祼上阵最紧要够靓
Wiyona收到加场通知后并没有却步，反而视之为一项挑战，所担心的亦不是走光：“我第一时间同自己讲最紧要靓！同埋个身形最紧要好！但好可惜出到嚟个效果我觉得系可以改善。我觉得个身形可以再firm啲，同埋可能我之前晒过，见到有啲比坚尼印，我会想做返好啲。”Wiyona表示，这一场戏是她入行13年以来尺度最大的工作：“之前做模特儿，影啲健康产品、相机，就算系淋浴广告都只会骚头膊头，所以最开头我都有少少担心阿爸阿妈睇到。”
模特儿变打女
全裸演出最紧要身形好，这或者是Wiyona入行后从事9年模特儿有关。不过，性感演出并不是Wiyona的目标，由模特儿转战演员的她，由第一刻下决定开始已决定要做一名出色的打女：“我觉得系时候要改变，主持我试过，觉得唔太适合，咁就演员喇！不过，靓过我嘅人又有，身材好过我嘅又有，咁你点先可以令到观众认得你呢？我自问自己，除咗挨得之外，都冇乜卖点喇。”Wiyona直言，她是希望可以成为继杨紫琼和杨盼盼那一代之后为人所认识的打女：“而家年轻一辈，好似都冇乜打嘅女演员，所以我先决定冷门少少，咁如果真系需要到武打演员嘅时候，咁我咪会系头几个选择啰！”
讨厌肌肉
“我做模特儿嘅时候，我系唔做运动嘅，𠮶时做运动系同我完全冇关系！”虽然Wiyona一早已决心做打女，但做打女的后遗症，却是她最不乐见的，更曾讨厌自己：“有一段时间唔想照镜，觉得自己好核突，点解呢度一嚿𠮶度一嚿？初初转做演员，个心理系好唔平衡，因为以前做模特儿，𠮶个工作系你嘅就系你嘅，唔系你嘅就唔系你嘅，改期就改期，唔会就冇咗，冇咁多变动，变相𠮶时个心态上系未调节到，𠮶段时间自己好唔开心，谂嘢做谂埋一边，谂自己个决定系咪正确，我练咗咁耐，脚又伤晒，对脚又粗咗，又好似未真系有人揾我拍打㖞！系咪要放弃呢？但又翻唔到转头？”
“但我细佬就同我讲咗一句说话，令我改变咗自己嘅睇法，因为之前我系为咗做武打演员而去Train，唔享受，纯粹系迫自己去达成目标嘅啫。佢话如果我系因为要做而唔去享受个过程，而系去因为见到有成果𠮶个成就而做，咁你系唔会做得开心。”事后Wiyona尝试改变自己的心态，将自己的美定义成“健康美”，加上锻练后获得朋友赞赏，令她愈来愈有成功感：“梦想这条路既然行上了，仆著也要走完。”
打女的操练心得
流著模特儿的血液，却以一顶极大反差的“打女”作为目标，Wiyona至今仍然不爱肌肉，所以对身形要求特别高，尤其是线条方面：“女仔唔可以做太多重力训练，例如橡筋，同埋个组数同下数可以做多啲，但就唔好做咁重，同埋我唔会跑步，因为跑步会练到肌肉，去做行路机，不过要较斜度。”除了保持完美线条，作为“武打演员”的Wiyona亦不断学习各种武术，功夫、兵器、枪械等等，即使并非项项专精：“我要同自己讲我系随时Ready，总之一有机会就好好把握，我唔想有人揾我𠮶时，我仲要求对方畀一、两个月自己去再练。”
杨柳青的操练点滴：