孖李君妍齐齐挨冻学潜水 吴紫韵：冻到我哋个嘴都变紫！
撰文： 赖家杰
出版：更新：
近年TVB唔少艺人相继去学习潜水呢项运动，广为人知有麦明诗同简淑儿。今天（17日）艺人卫志豪孖住几位新晋女神一齐去学潜水，包括有李君妍、吴紫韵、阮儿和谢芷伦。
依家步入秋冬，但依然仲有好多人唔怕冻出海潜水。吴紫韵接受《香港01》时候说：“啲水真系好冻，冻到我同君妍个嘴都变紫。今日都系我哋上完初级潜水班课程，考埋试成功，我觉得自己好叻。”
四女原来一直也想学习潜水，巧合的身边有朋友教潜水，所以四女一直也在夹时间一起学习，原来是有目的，阿紫说：“其实我哋虽然学紧初级班，但其实我哋系有一个想法，就系一齐去拍一个潜水节目，我哋仲讲过去考埋船牌咁就可以自己揸船啦。”
至于习武了得的君妍，除咗IG会见到佢成日去做GYM去打拳，依家更为自己增添新技能去学潜水，君妍笑言：“早前拍摄完《3日2夜》识咗佢哋，咁大家讲开就想学潜水。咁都希望可以多一个技能迟下用得著，将来用嚟拍节目又好或者去第二度去旅行都可以去睇下其他国家嘅海洋世界，因为我系双鱼座，所以将来都想睇多啲鱼。但我其实好怕死，学嘅时候都好惊。”
更多四位靓女相，包括：李君妍、吴紫韵、谢芷伦、阮儿！
+23