【多图】宅男女神李蔓莹IG秘密照一小时即下架　Renee认冲动！

《为何深夜总是饿》的女主持之一李蔓莹（Renee）一直深受网民喜爱，节目受欢迎之余，连带她的IG都多了不少粉丝。昨晚（15/11）她在IG上更新了一张照片，朦胧之中不难看到她的身影，贴出之后更惹来粉丝暴动，但在不足一小时之后，照片就迅即下架消失。唔通系因为张相太性感？

李蔓莹（Renee）接受《香港01》访问时说：“张相唔系俾IG删㗎，其实系我Delete咋。因为玩分化嘅滋事分子留言令到我啲Fans嗌交，所以我一下子冲动就Del咗。大家都爱香港，我真系唔想见到咁。嗌交嘅原因，可能系因为个Caption挂。”该篇帖文写着：“雾起雨落的心情，你明我我明你的，还得继续保持信念，黎明破晓晨曦曙光旭日。Keep blessing Keep fighting #老土嘢唔多讲 #良心在人性在 #齐上齐落啊喂”

至于这张图片中的她是不是全裸，她就极力澄清：“我有着衫㗎！𠮶件系露背嘅背心，挂颈有吊带𠮶种，乜都睇唔到㗎。拜托拜托，大家真系谂多咗啦，我点会咁大胆影呢啲，张相入面绝对唔系Naked（裸体）！我睇过其他艺人影嘅IG相，系靓嘅，但我睇到好惊，哈哈。讲真，我真系咁大胆就出写真啦。”话说回来，其实Renee未出过写真，唔知佢会唔会考虑吓呢？