【后生仔倾吓偈】江嘉敏fact check唔检点艺员　爆曾合作：身材好

最新一集《后生仔倾吓偈》以“fact check”为题，身为嘉宾嘅江嘉敏表示佢嘅FC系尽量问当事人，并举例说明。“我要同A artist合作，我都问同佢合作过周边嘅同事、朋友佢份人系点，我都会听到好多关于A嘅八卦嘢佢系姣婆点点点，我系唔会信，我会问唔同嘅人关于佢个人系点。”江嘉敏仲话听闻过呢位A同事好唔检点，并指“可能因为佢身材比较姣好”，又谓“同埋佢本身把声都比较温柔啲，所以会令人有所误会”，仲有“我听到一啲流言话佢会去姣啲高层，食饭、gathering时佢会无端端喺手袋拎剧本出嚟”

到底呢位A同事系边个呢？江嘉敏当然坚拒透露，但话自己同A合作之后，发现对方“本身比较温柔啲，好钟意照顾人，因为佢本身系一个大家姐，所以佢对男对女演员……”问到有无同A同事变为好友，江嘉敏即时大笑表示：“我唔会话你知”听到呢个答案，一众后生仔都认为江嘉敏同A已经系好朋友关系，江嘉敏之后仲话“A同事身材好系事实”。同江嘉敏合作过嘅女艺人确实系唔少，不过如果以“身材好”、“变为好友”、“大家姐”嚟讲，《福尔摩师奶》嘅陈滢、《3日2夜》嘅刘颖旋，仲有《降魔的2.0》嘅刘佩玥都好大嫌疑。