杨柳青拍《催眠．裁决》演女杀手　唔怕开枪却被另一场戏难倒？

“新一代打女”杨柳青（Wiyona）最近演出多多，不但在无线（TVB）台庆剧《解决师》中饰演性感秘书，亦有在新片《催眠·裁决》中饰演职业杀手，与对手枪战兼埋身肉搏。虽然动作戏对杨柳青来说驾轻就熟，但原来她是首次拍摄枪战场面：“成日都忍唔住眨眼，唔识点揸枪，好彩遇到今次动作导演钱嘉乐，我同佢第一次合作，喺佢身上获益良多，佢唔单止教我点揸枪，仲教我好多拍动作戏技巧。”

杨柳青直言跟钱嘉乐合作后，即封对方为偶像，期待可以再度合作：“平时见佢演嘅角色好搞笑，但佢一去到片场就会好认真，佢仲分享咗好多做动作演员嘅经验畀我，以前我NG会觉得尴尬，怕影响到其他演员，系佢同我讲动作演员唔应该怕NG。”

杨柳青又指今次拍摄最高难度并非枪战场面，而是一场抽烟戏，搞到她频频NG：“平时我系唔食烟，今次第一次要拍食烟镜头，可能出嚟效果唔够型，所以频频NG，一个简单食烟镜头，一食就食咗半包烟，唔惯烟味，边拍边想呕，拍完呢场戏，声都沙埋。”牺牲甚大。

此外，问到杨柳青除了打之外，还想演什么角色？她笑言不敢贪心，想继续从武打方面让观众认识她，她表示：“希望可以杨盼盼、杨紫琼、杨丽菁后，提起武打女星，大家会叫得出杨柳青。”