林峰缺席林夏薇新店开幕　派未婚妻张馨月到贺成焦点

早前爆出林峰已经入纸申请同女友张馨月注册结婚，虽然佢地未有正面回应婚期，但亦唔使再收收埋埋，之前佢地就首次孖住现身出席陈山聪婚礼。一个成功男人背后总有个贤内助，张馨月呢日就以未来阿嫂身份，代男友出席堂妹林夏薇食肆开幕礼。

林夏薇同林峰一向感情要好，呢次舖头开张虽然阿峰未能亲身到贺，都有派未婚妻出席。身穿卡其色连身长裤脚踏白波鞋嘅张馨月，为免抢焦点低调到场，亦无接受访问，有记者追问婚期系咪下个月都笑而不语，只系痴实林夏薇影合照。

既然未来堂大嫂唔答，林夏薇又有无露口风呢？有传林峰已经开始派帖，佢接受访问时话：“我仲未收到喜帖呀，系咪今年都唔知。最近喜事连连，好多人都踏入人生新阶段，自己都会开始构思买咩实用嘅结婚礼物俾堂哥。”