试镜成功演新剧《地产仔》　Stanley@MIRROR：去楼盘附近同人倾偈

由ViuTV、天下一电视制作部、寰亚公司电视制作部联合开拍、由徐遇安与邓维弼监制的新剧《地产仔》，周三（6/11）在佐敦渡船角外景拍摄场地举行开镜拜神仪式，全剧主要演员包括郑浩南、朱慧敏、吴肇轩、胡子彤、余香凝、廖子妤、麦子乐、张文杰、陈颖欣、“肥肠”徐浩昌，以及男团MIRROR成员Stanley（邱士缙）皆有出席。

Stanley为配合角色，以全新形象示人，令人差点认不出来，他说今次在剧中将扮演见习地产经纪阿鹿。“我觉得呢个角色系一个被社会蹂躏过嘅年轻人，佢读书时运动好叻，喺学校系风头趸，但出到社会后，佢发觉呢个技能系冇作用嘅，加上佢一直好相信公平公正，可惜投身社会后，呢样嘢系完全帮唔到佢成功，反而见到身边嘅朋友可能因为不择手段或者好厚面皮变得成功，佢嘅想法开始改变，咁就慢慢走歪左。”意味他随时有破格演出。

为演好地产仔角色　专诚到新楼盘附近视察

有别于参演百集长剧《娱乐风云》，今匀在《地产仔》里跟自己做对手戏的，绝大部份都是电影演员，加上又是行内新人，Stanley坦言当初知道自己试镜成功加入剧组之后异常紧张。“开镜前真系好紧张，不停睇剧本，但开咗工之后，同肇轩、子彤、肥肠夹多咗就轻松番啲，同埋我会不停问意见，拍完每场，都会立即问徐老师（监制徐遇安）同埋导演，问佢哋觉得点呀，O唔OK呀，好多Feedback都系正面，咁就开始松番喇个人。”

Stanley指今次拍剧相当愉快，尤其感谢吴肇轩等身边一班队友，彼此重视交流，埋位前做好沟通，令他茅塞顿开。“每场戏都会夹好耐，所以好多时都唔跟剧本，亦令我有一个醒觉，就系剧本其实好死，有佢哋傍住我就会松咗好多。”为了演绎地产经纪更加传神更加贴地，Stanley索性实地考察，掌握角色心态。“我直情有去行过一啲（新）楼盘附近，次次都会有啲好后生，或者有啲好成熟的女人走埋嚟问：‘买唔买楼，买唔买楼？’之后就会同佢地倾几句，心谂：‘吓？你见到我个样你觉得我真系买到楼咩？’佢哋可能觉得，可能扑中咗一次（揾到买家）咁就得㗎喇㖞，乱枪打鸟。”