方力申提早完成环岛游创举 ：游到石澳双脚想抽筋

方力申《香港环岛游45公里慈善挑战》今日（5/11）清晨展开约12小时拼命游，但提早个半小时，以10小时43分06秒完成，并成位首位港人完成环绕香港岛一圈的创举，成功筹得超过港币7百多万捐款，为45万名缺水居民带来洁净食水。为点滴是生命筹款。事后小方接受《香港01》访问时表示：“自己真系冇谂过提早完成，因为专家都预计喺12个头钟完成，当我上水𠮶一刻，脚踏实地嘅感觉实在太正，其间喺石澳遇上大浪，都有呕过，条脷因为长时点到啲海水，发胀晒都好辛苦，两只脚又想抽筋，好在宜家坐喺度做访问，如果唔系我真系企都企唔稳。”

（游泳中途谂紧乜？）小方坦言：“其实原途都有随行嘅团队成员喺我身边陪住我，𠮶阵时都有同佢哋玩都好轻松，但到咗十公里之后就开始觉得好有啲疲态，但谂到好多人为呢个慈善活动出钱又出力，自己就更有动力去完成。”（中途去咗几多次厕所？）小方笑言：“我都计唔到，但去到最后去厕所都觉得好痛，”小方今日创举得到各方好友到场支持打气，包括有唐诗咏，林盛斌、麦明诗和关楚耀等人，亦不少得有绯闻女友陈滢到泳棚见证上水一刻创举。小方表示：“佢因为剧接剧嘅关系，佢今早有传短讯话我知清晨6点先收工，所以嚟唔到睇我落水嘅，但我都估唔到佢会喺开工之前，嚟到睇到我上水，咁所以好多谢晒所有朋友，又捐钱又支持我。”