【解决师】又系冇好下场 唐诗咏爆结局唔系happy ending
撰文： 吴子生
出版：更新：
王浩信与唐诗咏今日（4/11）现身商台接受电台访问，为无线剧集《 解决师》宣传造势。浩信表示：“今次上嚟系同大家分享下呢三个星期剧情嘅发展方向，但又唔可以过分剧透，又会讲下之前两个礼拜嘅收视成绩，表现都非常乐观嘅，仲保持到26点至27点嘅水平。”诗咏对此收视非常满意：“其实宜家要大家返屋企睇电视，都未必咁容易，我哋都估唔到头一个礼拜都有咁好成绩。”
对于剧集最后有否Happy ending ?诗咏笑言说：“我嘅贴士系我同王浩信拍过嘅剧都冇试过有Happy ending，但今次会唔会呢？我只可以讲一定唔会系Happy。”身为解决师的王浩信，在剧中有连番打斗场面，拳拳到肉非常精彩。浩信直言：“其实自己都有睇番自己嘅演出，认为仲有进步空间，但当时自己已经尽晒力，喺剧内有八成半嘅时间，都冇用替身，咁所以希望大家都会接受我呢份诚意啦！”