杨丞琳无预警清空IG 579篇贴文　吓窒粉丝传言四起

唔少歌手会亲自经营IG，成为同粉丝最直接沟通嘅渠道。杨丞琳都系IG经常上载生活照彩排照，俾大家睇真啲镜头背后嘅佢。点知11月3号晚有网友发现Rainie将IG内579则贴文全数删除，吓坏唔少网友。

Rainie九月宣布同内地歌手李荣浩领证结婚，正式做李太，但婚后依旧工作不断，前日Rainie刚完成马来西亚演唱会，点知到3号晚就有网友发现佢将所有IG贴文删除，惹起不同揣测，更涌入佢老公李荣浩嘅社交网站询问。

4号中午佢上载一张写上“DELETE”嘅白底灰字图片，但就关闭咗留言功能。令粉丝放下心头大石，有人推测Rainie之前讲过新专辑已录制完成，有机会系为前期宣传铺路，就好似之前张惠妹都曾经有同样举动。

其后Rainie又喺IG STORY相隔15至20分钟更新一次，各网友发问“你最近一次哭是为了甚么？”、“独自一人的时候会觉得寂寞吗？”、“你最讨厌自己的地方是什么？”令歌迷开始期待变成人妻嘅Rainie，新碟会有咩新突破。