MIRROR出道一周年出歌愈来愈慢？　花姐︰我自己觉得系之前太快

去年ViuTV节目《全民造星》捧出了一队12人男子组合MIRROR，在香港的乐坛来说是一件非常新鲜的事。今日（3/11）正正是他们成军一年的日子，一年的发展，究竟是突飞猛进还是停滞不前？

点击下图睇吓MIRROR近期活动嘅花絮︰

MIRROR自去年举行签名会正式出道后，共推出4首新歌︰《一秒间》﹑《ASAP》﹑《破镜》和《Reflection》，成员的活动跟广告都一个接一个，但回顾一年，究竟他们的人气是增还是减？无疑一开始MIRROR的声势似乎不错，一出道就有份出席乐坛颁奖礼，甚至是金像奖颁奖礼，音乐方面，除了组合的歌曲外，组合中最高人气的成员姜涛和Ian（陈卓贤）都各有推出单曲，而Anson Lo（卢瀚霆）和姜涛也有合唱歌，不过其他成员就欠奉这方面的发展。拍剧和广告方面，各成员都各有不同的工作，而成员都有份参与《Mirror Go》，尚算平均。不过之前曾经对外提及过的分小组出歌和出唱片就迟迟未成事，令粉丝们有点失望。而且组合的几首歌曲风也类同，看似未有大突破和带给粉丝新鲜感。而各个成员也似乎有不少粉丝“脱粉”的情况出现，人气好似不如之前的，声势也减弱。

不过原来所有计划推迟是有原因，MIRROR的经理人花姐（黄慧君）接受《香港01》记者访问时表示因为社会气氛而推后，她说︰“我哋有好多嘢都褪咗，因为呢个时势，其实我哋每次出歌，我哋都会有一啲event去back up件事，但系呢几个月，我哋就唔想搞太多活动，我觉得唔系好啱，当大家好紧张嘅时候，我哋又喺度庆祝紧啲乜嘢，所以今日系一个好好嘅日子去庆祝，但系我唔想庆祝啰。（社会气氛唔适合？）我觉得个气氛唔系好啱啰。”她也表示其实小组的歌曲已经准备好，只是他们觉得时机未合适，她透露想在大概下年年中前举行演唱会，所以她表示︰“我哋谂紧系咪会喺演唱会嘅时候个气氛好啲先出呢，咁对大家都好，大家可以用个开心嘅心情接受MIRROR嘅歌。”

对于外界指MIRROR现在似乎给人似乎有种停滞不前的感觉，花姐就并不认同，她说︰“啲人就问点解我哋突然放慢脚步，我自己觉得系因为之前太快，好多嘢我哋冇好好咁plan好啲，或者做好啲，所以我哋想拉返慢，令到我哋个quality好啲。”她表示早前一口气出了三首新歌，对乐坛新人来说也是正常的。“我哋喺拣歌同录音用咗嘅时间比之前用多咗好多，排舞嘅时间都用得多咗，之前我哋都听到comment‘点解唱歌冇进步’﹑‘点解跳舞仲有啲人好似冇力咁’但系如果你今次睇《Reflection》嘅时候，你会睇到好明显有啲人进步咗，我哋想用呢段时间畀人睇到有努力过，只不过之前太急嘅时候，冇时间畀啲队员去学习。”

面对《造星II》的新人随时挑战到MIRROR，组合会否面临解散？花姐说︰“MIRROR全唔会解散嘅！对于我嚟讲MIRROR唔系一个组合咁简单，佢系由《全民造星》出嚟，一个家嚟，一个Icon嚟，其实50年后，大家会记得第一届有姜涛，但50年后MIRROR会系点，可能有一个新嘅人成为Centre位，但𠮶个唔系姜涛。（代表会有新嘅人加入？）其实我好希望，而家我未揾到嘅，《造星II》我暂时未揾到一个人好适合去入MIRROR，所以我仲同老细考虑紧嘅，我好希望MIRROR系一个长做嘅名嚟，一个品牌，因为我有呢个理念，所以我先再搞《全民造星》。”难度随时会有新人加入MIRROR成为新MIRROR？不过花姐就跟一众“镜粉”（MIRROR的粉丝名称）派定心丸，指他们不会减人。

点击下图睇睇写真拍摄日嘅花絮︰