陈山聪找到合衬另一半 郭政鸿感动到喊：佢成个人变咗好多！
撰文： 叶诗
出版：更新：
陈山聪周五（1日）与拍拖五年的圈外女友何丽萍（Apple）举行婚礼，与陈山聪称兄道弟的郭政鸿当然不能缺席，早前山聪夫妇亦更向郭政鸿斟茶，原来郭政鸿之前也不知情：“我都临时临急先知，好惊喜，最尾嘅时候突然之间叫我出嚟饮杯茶，好感动。”郭政鸿乐见陈山聪进入另一个阶段、找到合衬的另一半：“成个人变咗好多，好踏实，处事亦都成熟咗好多，好替佢开心！”
郭政鸿忆起十多、二十年前透过舞狮认识：“我同佢从细到大都钟意传统嘅舞狮，亦都系由舞狮建立起呢份感情。”谈起这段兄弟情，他说彼此性格相似，较为内敛：“我同佢唔系好多说话，反而好多嘢尽在不言中，一个眼神已经知大家谂乜嘢。”郭政鸿提起自己遇到困难时，陈山聪义不容辞就找到方案帮他处理：“我冇谂到佢可以谂得咁周全，当我好迷惘嘅时候，佢已经建议我咁样做。”郭政鸿又称赞陈山聪很细心兼感情丰富：“原来佢咁易喊！今日俾佢搞到我都喊埋！”
郭政鸿又向陈山聪分享了婚姻之道：“好好锡老婆！”签纸的时候，郭政鸿对陈山聪说：“签咗张纸，就自动过户㗎喇，有几多就过几多，然后老婆就俾返少少零用钱你。”于是郭政鸿勉励陈山聪：“返工继续努力做嘢喇！”