【全民造星II】火火陈洁灵郭伟亮认节目不公平：唔钟意咪唔畀你入

ViuTV年度重磅选秀节目《全民造星II》周四（31日）举行新一轮录影，最后30强参赛者（包括9名MIRROR成员）将会决一高下，大刀阔斧筛走20人，选出最终10强。三位导师火火、陈洁灵（Miss Chan Chan）、郭伟亮（Eric Kwok）于记者会受访，谈到比赛，他们之间就充满竞争的意味，Eric Kwok说：“我就最输得嘅。”Miss Chan亦大胆“剧透”：“你第一次系无端端输咗！”Eric Kwok反驳：“我最早输，所以C队就好团结，因为唔可以再输。”而Miss Chan Chan的B组就似是长胜将军；火火认为去到这一轮斗争性已经不太强，只想训练好参赛者做最好的表演就已经可以功成身退。

说到在节目播出后，网络上有不少留言批评节目整个赛制不公平，Miss Chan Chan居然表示认同：“一入嚟呢个节目就唔系公平！”火火附和：“呢个节目最标榜嘅就系唔公平！公平冇可能喺呢个节目出现。”Eric Kwok反问记者：“你试下揾样嘢公平嘅俾我睇！娱乐圈系从来都唔公平，大家唔需要太执着。”火火补充：“唔需要太Focus喺表现得好唔好，根本娱乐圈有个准则系我唔钟意你咪唔畀你入、咪唔签你；唱得几好都冇用，我𠮶日攰唔想同你Casting咪入唔到！”而另外两位导师亦同意这个说法。

说着说着他们就谈到彼此的薪酬不同，Eric Kowk对Miss Chan Chan说：“我一定唔够你贵啦！所以几唔公平！”Eric Kwok又认为《全民造星》是为了娱乐观众：“所以应该当佢系一个真人Show多过一个比赛。”导师们又同意节目的主题应是成长，Miss Chan Chan说：“MIRROR虽然同参赛者同场竞技，对我嚟讲佢哋就系一样嘅，大家都全力以赴。”

点击图辑睇今季参赛者型格相！！！

火火话花姐MIRROR可以输　但系......

问到《全民造星》监制花姐（黄慧君）有没有事先下令不能淘汰MIRROR成员，Miss Chan Chan就斩钉截铁说没有，引来火火批评：“你咁假嘅？！讲出嚟啲人都唔信啦！”Miss Chan Chan记得花姐说过MIRROR是可以输的，但自己不敢淘汰MIRROR成员；火火续言，指记得花姐说过MIRROR可以输，但不能淘汰多过12个人（即MIRROR成员人数），另外两位导师都声称有这个记忆。

Eric Kwok“抗旨”：花姐愈唔俾Foul愈要Foul

火火亦赞同让MIRROR重新参赛这个决定：“放MIRROR入嚟就系话俾班参赛者听：‘如果你超越唔到MIRROR，我点解要签你？’社会资源而家咁紧拙，MIRROR就系一个指标！”Miss Chan Chan也同意这个说法：“MIRROR都系出道一年，佢哋都需要成长。”当记者问到花姐有没有下指令今届有哪些参赛者不能被淘汰，Eric Kwok笑说：“如果系咁要我哋嚟做咩？如果花姐愈讲话边个唔Foul得，我哋第一个就Foul走佢！”火火说：“花姐有另一个把关，我哋喺比赛淘汰咗佢，转头花姐就可以拉佢去8楼（ViuTV总部楼层）签约！”