盖世宝离开TVB后过得更轻松快乐：依家80分，以前60分！

盖世宝（Lulu）今日（30日）以一身黑金色单肩长裙出席香港开电视《2020年节目巡礼》，笑言自己很少穿得如此隆重，非常害羞。她于今年年初离开工作了23年TVB后，再度拍电视节目，并担大旗做《一曲走天涯》的主持：“我同黄冠斌一齐合作，个节目都系主要揾一啲歌手做嘉宾，暂时只可以透露揾咗李乐诗、小肥，佢哋全部都有一首或以上大家好熟悉、一听就知道嘅歌嘅歌手，探讨下佢哋有成名作之后系点，依家又做紧啲咩咁样。”

Lulu坦言平时有在外接不少主持工作，所以主持功力未有生疏，不过唯独从未试过做直播主持：“我真系几想做啲live嘅节目，因为live同录影真系两回事，live嘅挑战系大好多，讲真我系旧公司咁耐，做live嘅经验真系唔多。可能只系识咩叫做主持，但系我一定唔系一个称职嘅live主持！我嘅临场经验真系唔够，多数都系做商场或者出面啲活动，但就唔系一啲大show或者节目。”

提起TVB，身为经典儿童节目主持人的Lulu难免都有些隐晦，似乎不太愿意重提太多旧事：“好多人都有问过我想唔想做番儿童节目，我会答如果有人问我我咪做啰！但系我已经放低咗喇其实，我唔会话‘好挂住个岗位呀，冇！’”Lulu承认TVB近年确实有很多人选择向外闯，因为人需要作出改变：“原因我觉得各方面都有，有啲可能做得唔开心挂，大家想转一转啫，始终人系需要改变嘅。”她坦言现时当然亦有压力，不过相对地过得比在TVB时轻松快乐：“依家80分啦，唔好太开心住，始终生活要金钱，我嘅工作量真系未达标，但心情系轻松过以前好多，以前就60分，都合格嘅！”

点击观看更多现场精彩照片；