【专访】马天佑自称是Slash　接触时装全是缘份︰冇谂过做呢行

关于马天佑（Mayao），第一个联想起的词语相信会是时装，毕业於伦敦时尚学院（London College of Fashion）时尚品牌创建学系的他，读完书后就顺利成章地在时装造型界发展，不过有谁会想到原来他读Fashion只是因为当初学业成绩太差？又有谁会想到他创立形象顾问公司原来只是因为一副塔罗牌？
摄影︰梁碧玲
短片︰黎家浩﹑颜汉真
剪接︰颜汉真

因成绩差没选择而时装　却误打误撞建立兴趣

Mayao形容自己是一个Slash（斜杠青年，意指︰选择有多重职业及身份的生活的年轻人），主要在时装界发展的他，近年也加入音乐界做歌手。讲起当年读时装，大家可能会以为他是一出生就想吃这行饭，但他却说︰“从来都冇谂过做呢一行，点解入咗fashion学校系因为细个读书好差，差到入咗一间好远嘅大学。”不过他却很想在伦敦读书，有一天见到伦敦时尚学院收生，收生要求是不用看成绩，只是要见校长，由他决定取录与否，他当时心想︰哗，Fashion？咩嚟㗎？只是抱著试试的心态，但出乎意料地，跟校长谈得来，立即已给他学位的offer，他的心里想的是︰好啦好啦，为咗伦敦。一开始不是怀著满腔热诚地去读，“其实𠮶时我对fashion系完全一窍不通，所以都叫误打误撞下学咗个新嘅兴趣。”

“胆粗粗”拿著12000元开公司　一步步走到现在

创立自己的形象顾问公司原来也是同样地随机，Mayao当时读完书回港并没有刻意找工作，想先发掘一下，怎料一顿饭又改变了他的人生，当时他跟好友吴雨霏（Kary）吃饭，对塔罗牌有研究的DJ梦妮妲也在席上，为他占一下前程，结果对方说︰“你一定要自己开一间公司，一定要同娱乐圈有关嘅”当时连商业登记也不懂的他毫无头绪，“可能因为𠮶时啱啱毕业，又唔怕死，开始咗我嘅公司。”回想当时，他也觉得非常大胆，“𠮶阵时我银行户口系有万二蚊，我好记得商业登记要六千蚊，我用六千几蚊登记咗间公司，仲有六千几蚊，我仲请咗三个同事，𠮶时我冇谂过cash flow﹑出粮，真系好好彩，我一开咗公司，身边有朋友知道我做呢个business，跟住就畀好多工作机会我哋。”犹记得他人生第一张做Art Direction的唱片就是吴雨霏的《我本人》。慢慢地，由一开始跟同事在咖啡店，在公园开会，到后来有了office，一步一步走到现在。

自认私底下“褦襶”　放工后也是普通人一个

时装给人的感觉好多时都是高高在上的，不是普通人接触到的东西，而且艺人们一定都会对自己平时的衣著一丝不苛，不过Mayao就觉得并不一定如此。“如果你问我fashion系咪一定要用好多贵嘅items去堆砌出嚟嘅话，其实绝对唔系啊！”他说︰“你mix & match个功力可能系重要过你攞到啲咩items喺手。”他指自己平时出席不同的活动都会著不同的衣服，但私底下的他可以用“褦襶”（音︰呢啡）来形容，“我返office，差唔多日日都著同一套衫，同一对波鞋，同一条裤，条裤从来都唔洗嘅”他又说︰“我相信唔系净系我啊，相信好多艺人都系啊，因为当你每次做嘢嘅时候要用咁多时间去化妆整头著衫，其实放咗工同大家都系一样，都系普通人。”

家庭提供合适环境发展︰少咗份担忧

虽然Mayao创业的路乱打乱撞，但却幸运地顺利，被问到他的家人有没有帮忙，他直言︰“冇㗎，完全冇，同埋我屋企人系到而家都唔系好知我做紧乜。”甚至他一直也在家拍片更新个人的Youtube频道，近来他的爸爸才问他︰“其实你平时喺屋企拍𠮶啲系咩嚟㗎？”讲到家人，外界一向有传言指他家境富裕，是一名“富二代”，Mayao对此连声否认︰“绝对唔系𠻹啦，系嘅我唔使捞啦！”他说︰“屋企畀到一个好好嘅环境我，令到我少咗份担忧，但系讲真喺我嘅事业上面又冇话有任何类型嘅support，但系我觉得咁样仲好，畀我冇得失败，其实佢哋咁样嘅一个做法系令到我更加去坚持我做嘅事情。”

偏爱流行曲　音乐作品有背后信念

除了时装界的发展，Mayao自2015年推出第一首歌《搞破坏》后，就接连有不同的音乐发展。原来他从小已经喜欢唱歌，父亲是拉二胡的，而母亲唱京剧，他笑言︰“细个喺呢啲好嘈嘅音乐下长大。”8岁开始迷上流行曲，不过父母就不太想他听，于是他背著父母接触流行曲，更爱上唱歌。而经过这么多年流行曲的洗礼，他现在希望有一个讯息带给听众，“我希望我嘅音乐作品可以畀到一种confidence畀人，有阵时唔系话一定要做一个完美嘅人先至系好。”他续说︰“你有缺点系冇问题，只要你肯去面对佢，去接纳自己嘅缺点，你先至可以做一个更完整嘅人。”

点击下图睇吓更多MV拍摄的花絮︰

四首歌的音乐企划　系列灵感来自乐九十年代乐坛天后

Mayao在今年推出了两首歌，分别是《超过些》和《大妄想家》，四首歌的音乐企划来到一半，他指已推出的两首歌感觉较繁荣，而编曲上想带出夜晚的感觉，他解释︰“我希望呢个系列系充满城市嘅感觉，我希望有种city vibe可以做到。”原来关于这个系列，他的灵感来自1988年林忆莲的唱片《都市触角》，他说︰“𠮶只唱片我而家听返，系听到好有一种香港嘅感觉﹑味道，我好希望可以create返咁嘅感觉嘅系列出嚟。”至于另外未推出的两首歌，Mayao就形容为感觉比起上两首会舒服点，“城市嘅另外一面，当城市唔系咁挤迫嘅时候系点㗎呢？”这是他想带给大家的画面和感觉。

点击下图观看更多Mayao日常的造型和生活照︰