【解决师】出场虽短但印象深刻　TVB隐世大只仔操FIT过程全公开

《解决师》剧中不少型男登场，王浩信、丁子朗、李天翔和张颕康等，不过其实有一位TVB小辈是禾秆冚珍珠，衣衫里面竟然是一身横练肌肉，更是健美比赛的参赛者。
这位小生在剧中已经惨死，相信有追看的人都知道，他就是被Man Sir（张颕康饰）派入进兴做卧底的阿海（陈伟洪饰）。

陈伟洪是2009年香港先生少年组冠军，入行原来已经有十年，但勉强能说是代表作的只有在2011年于《点解阿Sir系阿Sir》饰演蒋进一角，其后一直只是大配角，鲜有突出的角色和重戏份。今次在《解决师》饰演卧底，可惜几集后就死了，不过过程悲惨也容易令观众留下印象。

其实陈伟洪最初并不是大只仔，突破操肌原来有原因，在接受《香港01》访问时，他说：“3个月前拍完套剧有个空档，我觉得唔好浪费咗佢，定个目标畀自己，做一件事去纪录我做gym，所以决定去参加健美比赛。过程系艰辛嘅，我都估唔到自己可以坚持咁耐，得三个月去准备比赛，有三个阶段，头一个月系增磅，𠮶段时间我又肿又肥，增到去差唔多200磅。”

增完磅之后，就要瘦身！这个阶段最辛苦，他说：“由餐餐食到好饱变成食唔饱，呢个阶段开始有少少唔开心，因为要控制食量，肚饿冇嘢食个人就好易忟憎，唔食饭转食蕃薯，唔食油腻嘢，尽量keep住啲肌肉，每个星期训练六日，一日两次，坚持到真系一件好困难嘅事。”

成功瘦身后，为了比赛有更健美的身形，就要开始脱水，他说：“第三个阶段其实系去到一个比赛状态，每日都要控制食量、饮水量，唔可以多唔可以少，呢段时间更辛苦，有啲似丧尸，行步路都觉得用唔尽啲力，开始个人要甩水，等肌肉啲纹路出嚟，比赛前24小时水都唔可以饮，尽量去干身。”

身为一个演员，除非你已经红到做主角剧接剧，不然其实会有好多时间空闲出来，陈伟洪也不例外，加上遇到家人离世，更令他明白到时间的重要性。“演艺路上有好多时候你会好得闲，有时唔知做乜就会浪费时间，𠵱家入行差唔多十年，有时有人问我除咗拍剧仲会做啲咩呢？呢两年开始有体会，我婆婆嫲嫲都系呢两年离世，我开始反省自己呢十年其实做过啲咩呢？如果下一刻我人生就结束，我成日都喺度谂，点样令自己充实啲，咁啱呢段时间有个空档，我唔想嘥咗呢段时间，想自己做人目标清晰啲，先参加呢个比赛。”