【牛下女高音】黄心颖讲“边个会畀机会我”　仲有核爆级金句未出

黄心颖喺《牛下女高音》饰演嘅雪儿黄心颖做事马虎兼不修篇幅，幸得张振朗饰演嘅Nam对佢照顾有加，甚至肯假扮老公讨老人家欢心。不过，黄心颖之所以咁颓，其实系因为经历过婚姻失败，选择逃避现实。之前有一集讲述黄心颖同张振朗喺派对上重遇前夫，被奚落之后，向张振朗诉心声：“以前？返唔到转头啦，我已经唔系加拿大𠮶个我，以前嘅我读书好叻，攞奖学金，好多人都羡慕我，原来以前嘅我都几心，但而家我人又无、钱又无、样又无，做咩都做唔好，做咩都好似错咁……连老公都唔包容我，仲有边个俾机会我？”
 

唔少网民睇完之后，都觉得剧中嘅对白如同预言一样，同现实中嘅黄心颖处境非常相似。据悉，喺接下来嘅剧情，雪儿嘅感情线将会有所改变，其中一幕她更非常坚定咁表示：“我唔会做第三者！”呢个对白真系如同神的预言一样。自从“安心事件”后，黄心颖虽然决定离开娱乐圈，但TVB高层似乎仍然对佢充满信心，故睇完试片后，都对呢句“我唔会做第三者！”有所保留，怕播出街之后，会再次引起观众／网民对黄心颖嘅负面情绪。剧集监制黄伟声接受《香港01》访问时，表示由于全剧有30集，所以唔太记得到底有无“我唔会做第三者”呢句对白，但他强调：“套剧由拍完到剪好，好多人都有睇过，但从未有人提出过要删剪的要求，套剧亦一直都系ready播出。”