【专访】李君妍爆做亲生女有成绩表收： 返工迟到都会影响人工
场地提供：海洋公园
主题：海洋公园哈佬喂
李君妍在2011年凭TVB武术选秀节目《功夫新星》入行，节目完结后便投身于演艺圈，在TVB工作。一入行便接近十年，她在演员路上演出的主要是一些闲置角色，在这些年才担任一些比较重要的角色，例如在《她她她的少女时代》和《金宵大厦》的戏份才比较多。
君妍自小住公屋，家教十分严格，她坦言因为没有很强的背景就进入娱乐圈，所以有一个缺点，就是见识不及其他人：“我读紧书时候屋企管得我好严，好多时候都冇得出街玩唔畀拍拖。相比起其他人佢哋可能会已经有得出街玩，周围去旅行等，佢哋眼界都会比我多。所以踏入娱乐圈工作，佢哋同我比起上嚟佢哋都会行快好多步。初初入行时候真系好多事冇乜信心，觉得好大竞争，不过入行差不多十年，我都庆幸依家有返信心。”
家境不富裕，人脉不强劲，在娱乐圈其实是几“蚀底”，能够坚持追梦近十年，真的值得一赞。然而君妍很清楚自己追求的事业和目标：“每个人欲望要求唔同，我唔会话一入行我就想要一架跑车，咁我都负担唔到，不过我都系有几多洗几多。其实我本身冇背景，咁我工作机会比人少都系真，但今日我能够行到呢一步，我觉得算系咁，其他人可能仲惨，头几年会觉得冇乜机会就已经离开呢一行，起码我冇放弃。”
早前在《她她她的少女时代》虽然是饰演配角，但剧中角色突出，被喻为超越余思霆成为新一代的“姣精”。有回响当然是好事，但被称作是“姣精”，应该没一个女生会喜欢，“其实我睇剧本时候我冇谂到会咁样，点知出到街会畀人觉得系姣精。咁我都唔会唔开心，反而我会觉得呢套自己成功咗。”
去年君妍终于得偿所愿能够与TVB签约，成为TVB的“亲生女”（经理人合约），契机是她原本的旧约就快完结，之所以能成为亲生女，她透露每个艺员都有一张成续表评核大家的表现，她说：“其实佢哋睇完我份表之后觉得ok，所以就俾咗一个机会我签经理人合约。其实公司内部有好多细节上我唔清楚，但都会mark一年拍几多部剧，有几多商演咁样。我听讲有人因为服装部赞佢，所以倾合约时候加佢人工。就系因为服装同事对佢印象好，唔单单只系睇你剧集表现，连对人处事，返工有冇迟到都会加埋落去。可惜我到依家都未试过因为咁样畀人加人工。”
成为了“亲生女”，角色上当然会有更多发挥和戏份，但与未成为“亲生女”前有多大的分别？她表示：“未签经理人合约之前，当我喺公司做咗7-8年，好多助导都会只系揾我做路过嘅角色。以前都有少少介意，所以依家都好珍惜每一个机会。”
最后不得不提，其实君妍经《功夫新星》入行，就算节目完结后也继续坚持习武和健身，目的很简单，就是希望公司能给她一些“打女”角色，她说：“其实公司唔多我呢类型女仔，同埋打起嚟真系好有型，所以希望可以挑战下。”
睇更多同李君妍去海洋公园哈佬喂玩嘅相！