【后生仔倾吓偈】冯盈盈拍剧现场粗口横飞：呢种工作气氛好chill

最新一集《后生仔倾吓偈》以“粗口文化”为题，呢个真系一个讲不完的题目。节目中，有KOL认为电视台都有几监制或导演会用粗口去闹临时演员。近年剧集、综艺双线发展嘅冯盈盈表示：“工作人员们都系硬汉子，因为呢个工作都几辛苦，挨更抵夜又要搬搬擡擡，所以令到佢哋都好强悍好坚，同埋可能大家共事好耐，所以会不停咁……仲要非常之频繁（讲粗口），一开始我作为一个女仔都觉得呢个工作文化同气氛几特别。”陆浩明笑指冯盈盈到后来应该已完全融入当中，冯盈盈虽然否认其事，但就认为呢种工作气氛好chill。

被问到初拍剧时有否被导演或监制粗过，冯盈盈直认曾被“粗”到自尊受伤，并谓：“希望鞭策你，所以加埋啲助语词令你明白你要做好啲。一开始系有啲唔惯同惊，会叫自己今铺做好啲。”冯盈盈表示如果有女演员可以同样的助语词还击的话，场面会非常有趣，咁到底佢真系见过定试过呢？虽然佢强烈否认，但就话：“我无！绝对唔系我！我话可能在场唔知边个都系女仔嘅演员，如果真系唔怕用同一个方式还击真系好有趣。”咁睇嚟真系发生过㖞。