陈嘉桓成立品牌帮情侣测契合度　朋友们得知争住睇

陈嘉桓（Rose）今天（23日）出席婚宴嘉年华活动，她今天并没有穿著婚纱，也不是模特儿的身份出席。Rose直言是老板身份：“最近我成立咗一个品牌，我系今次其中一个参展商。而我呢个品牌系皮纹分析，我呢方面我都学咗几年，实践咗3年，我就心谂不如开一个品牌嚟帮下人啦。我学完发觉都帮到自己好多，又了解自己多咗，又帮到身边朋友，系一个挑战。”

学习皮纹这件事情Rose笑言并不难，但实践确实有点难，但学成后反而令到她多了朋友约她吃饭，“每次食饭食到咁上下，佢哋就会畀只手我帮佢哋睇。咁我会拎住手机灯帮佢哋睇，分析完一轮佢哋都会好惊讶问点解会咁！所以我觉得呢样几好，（收钱收好贵？）其实我冇因为系我做就收贵啲，咁我哋会拎佢哋指纹，去验一下做一个报告，有专人为佢分析，咁每一份收$3800。”

最近Rose积极减肥当中，因为她觉得自己重了很多，所以在减肥方面也下了很大苦功，就算是她就快生日也不愿意吃太多。她解释减肥是因为年纪开始大：“人大咗变咗易肥易瘦体质，我除咗做好多运动，我都戒咗宵夜。我减肥一定需要教练带领我，打泰拳同空中Yoga。食方面都好重要，食少啲饭，唔食雪糕咁。”