【嫁到这世界边端3】非洲人妻拒绝返港：我唔想仔女再喺香港读书

一向大受观众欢迎的TVB真人骚《嫁到这世界边端3》开播，首个登场的是嫁到非洲尼日利亚的香港人妻Serena。日前讲到她于去年决定偕同一对子女随丈夫Sean由香港移居尼日利亚生活，由于当地基本生活条件不足、治安问题加上当地的大男人主义，都一一令Serena难以适应。而最新一集就讲到丈夫Sean认为香港长大的小朋友太过“温室”，所以希望自己的一对子女回到尼日利亚读书，从而锻炼他们的生存能力。

虽然面对不少的文化差异，但勇敢的港女Serena亦仍然大无畏地跟随她的丈夫回到非洲生活！至于子女的教育问题，港女Serena就认为当地的教育一点都不逊色，并且有大量的游戏时间：“喺香港觉得骑马系一种贵族活动，但其实呢度消费好平，大慨10蚊港币左右就可以骑马、睇驴仔同喂马骝。小朋友可以回归自然多啲，冇香港咁物质，成日要买玩具。”

点撃下图睇更多孖宝可爱相！

Serena接受《香港01》访问时，更讲道：“暂时都冇计划返香港，因为唔想仔女受香港𠮶种填鸭教育嘅压力。香港嘅教育非常失败，我唔想仔女再喺香港读书。（尼日利亚教育制度有咩优势？）孖宝喺呢边读国际学校，学校系用英国IB嘅课程。呢边嘅教育制度其实都唔好，本地嘅公立学校基本上只系一间大型托儿所，等小朋友有一个地方去畀托管咁。所以外国人嘅小朋友或者系本地有钱嘅阶层，都会送仔女入国际学校。（非洲学费系几多？）每间学校唔同，孖宝读嘅国际学校，每人USD2000/学期，一年USD6000。而最贵嘅好似要近USD20000/年，𠮶啲畀派驻尼国嘅外国人子女及本地超级富豪嘅下一代读。”

至于当地贫富极度悬殊，打劫、绑架及杀人的案件不时发生。问到Serena会否担心子女的安全问题，她就表示：“其实呢度嘅治安冇大家想像中咁差，佢哋（摄制队）过嚟拍摄嘅时候，𠮶一段时间系比较差，加上一队中国人喺街𠮶度拍嘢会好招摇，所以为咗大家嘅安全同拍摄顺利，先安排警察保护。𠵱家日头我都可以自己出街，如果老公唔得闲车我，就可以Call Uber 或者叫朋友来接我。但前提系有一啲地区我系唔会一个人去，八点后亦都唔会周街走。”

点撃下图独家睇Serena家附近商场！

节目中Serena丈夫Sean将大男人的一面表露无遗，但Serena就透露其实Sean亦有温柔一面：“我哋未结婚之前，我一个人独居，有咩事打一个电话畀佢，佢会即刻喺锦田飞车出嚟黄埔帮我。周末嘅时候又会上嚟我屋企，煮早餐畀我食同帮我烫好跟住一星期返工要着嘅衫。其实都系一啲生活小事，但当时觉得可以喺日常生活小事照顾我嘅，先系可以过人世嘅男人。另外，佢都有细心嘅一面，例如见到我头顶有白头发出咗，佢会自己出去买𠮶啲染发剂返嚟，喺屋企帮我染发。”

点撃下图睇更多！