【解决师】李天翔自爆离巢后发展：喺屋企坐咗两个月冇嘢做

TVB台庆剧《解决师》播出后反应有赞有弹，剧情除了围绕着王浩信、唐诗咏同一班学生的校园故事之外，黑社会社团进兴的明争暗斗也相当引人入胜，当中饰演进兴第二把交椅太子的李天翔，不但出场气势十足，更演绎出亦正亦邪的感觉，掀起网民热烈讨论！

点击下图重温李天翔演出：

李天翔在剧中饰演进兴龙头蒋滔（罗乐林饰）的儿子，同时是Jovy（唐诗咏饰）的哥哥。他经常西装骨骨出场，在第5集中更大显身手，不少网民都大赞他有演技、有台型，更指他比男主角王浩信更型！李天翔在接受《香港01》访问时都直认很喜欢今次的角色：“今次角色好唔同，因为我以前演嘅角色都系一奸奸到尾，冇感情戏，但太子系一个好有人性、好有人情味嘅人，奈何佢生在黑帮家庭身不由己，呢个系我入行以嚟最钟意嘅角色，好多谢网民同观众嘅支持。”

李天翔在剧中与杨柳青有一场出浴戏，为了这场“香艳”场面，他在拍摄前都有特别操Fit：“瘦咗啲啲，因为佢哋同我讲有场出浴戏，我心谂大镬喇，所以我都尽量减。点知原来全程坐喺个浴缸度，完全遮住咗，激死我！”

今年5月李天翔同TVB结束23年的宾主关系，正式离巢，所以《解决师》是他在TVB的告别作。今次他在新剧中担任第三男主角，亦是他入行以来最多戏份的一套剧，不过原来他早在正式开拍前已经决定离开TVB：“其实我唔知系第三男主角，但我心意已决，想趁而家出去试下。虽然公司都有揾我倾续约，我算好彩，年年都有人工加，但始终自己年纪唔细，咁出去试都要试两三年，唔通等到50岁先去见工咩？到时唔会容纳我。”

唔经唔觉李天翔已经离巢5个月，但工作却寥寥可数，令他一度感到十分担忧：“初初好阴公㗎，喺屋企坐咗两个月完全冇嘢做，除咗ViuTV揾我做咗一集节目嘉宾，我甚至上网揾工，谂过转行。直至到7月有人揾我拍电影，虽然唔太重戏份，但我而家乜都做㗎喇。上个月初开始拍，拍到今个月尾。（之后有咩工作？）暂时未有，今年市道差冇办法，𢯎捞都要有人开戏先得㗎。（有冇后悔过走？）冇，其实我点都会走，而家都已经迟咗，我想试吓拍电影，希望有人用我。（太太支唔支持你？）我决心要走好大部分都系因为太太Support，唔好见我成日做奸人好似好精咁呀，我系一个好蠢嘅人，冇咗佢我一定会撞板。”