蒋家旻偏爱港男拒嫁到世界边端：想揾返个同声同气嘅人

无线综艺节目《嫁到这世界边端3》周五（18日）举行记者会，蒋家旻透露自己曾与日籍男友交往，皆因二人之间有共同朋友，男方主动追求她：“拍拖之前我都唔系好想拣日本人，因为睇日剧都知大家嘅文化可能唔同。”

蒋家旻谈起过往的这段恋情似是有点不忿：“虽然唔系远距离恋爱，但我哋就拍到好似Long－D(istance)！”只因二人不常见面之余、亦疏于沟通：“成日冇得见都会唔开心，有时我唔系好忙就想见对方，但对方明明有时间又唔会主动约你，半个月甚至一个月先见一次，佢又唔系好打电话同Send Message，就冇办法同对方分享，觉得自己好似单身！”

问到与香港男生及日本男生谈恋爱感觉有什么不同，蒋家旻就大赞香港男生：“我自己觉得香港男仔温柔体贴啲，因为会识得关心女朋友，冻又会提我着多件衫，日本男仔就少啲，可能咁啱我遇到𠮶个偏向冷漠啲。”所以蒋家旻接下来还是希望与香港男生拍拖：“无论系生活上、工作上、社会时事都沟通到，如果为将来打算都想揾返个同声同气嘅人！我谂外国人都唔系好啱我，我会想揾返香港男仔多啲！”