【解决师】唐诗咏突然苍老吓亲网民　王浩信拍片造势累事？

唐诗咏不时都会喺IG上载靓相，早前佢同田蕊妮结伴去日本时，对方再次成为其御用摄影师，唐诗咏更发文大赞：“有个识影相嘅朋友同你一齐去旅行，系一件好开心嘅事，但系奇怪点解啲相会Out focus，摄影师话，朦朦胧胧之下我会靓啲，我当然相信我嘅朋友啦”。

相信唔小人都深明“有个识影相嘅朋友真系好重要”呢个道理，昨晚（15日）唐诗咏出席《解决师》首集饭局时，同男主角王浩信齐齐亘相拍片，并分别上载到ig story。不过，或者系因为灯光、距离嘅关系，只见王浩信版本嘅唐诗咏一讲嘢，额头嘅火车轨即时现形，令38岁嘅佢瞬间变得苍老，唔少网民睇完呢段十秒都唔够嘅ig story，都不禁问：“小姐边位？”反观唐诗咏版本嘅王浩信，皮光玉滑兼靓仔，再一次印证“有个识影相嘅朋友真系好重要”。

再睇睇唐诗咏平时喺ig上载嘅靓相,无论左、由、高、低咁影,都好靓架。