【多图】陈滢告别女神长发　亲自执刀剪走十多吋头发

Jeannie陈滢入行以来，都系以长发示人，无论系女人味十足嘅长曲发，或者俐落嘅马尾造型，都成功帮佢建立女神形象。不过呢日佢居然亲自拎起剪刀，狠心剪去十吋头发﹗

Jeannie亦好钟意俐落马尾造型：

剧集《爱美丽狂想曲》刚煞科，Jeannie马不停蹄参与新剧《伙计办大事》拍摄。就喺两剧间空档，佢去到发型屋大变身。Jeannie上载一条快转片段，见到佢手执剪刀，笑住咁亲手剪去马尾，仲拎住十多吋头发喺镜头前俾大家睇，之后再由发型师帮忙修剪。Jeannie透露自己从未试过咁短头发，会将剪出嚟嘅头发捐俾有需要人士。