【金宵大厦】拆解结局三大悬念　点解张彦博同刘江会同时出现？

TVB剧集《金宵大厦》叫好又叫座，吸引一班观众追看。周日（13日）播出的大结局引起网民回响，讨论有关剧情。故事由阿萧／刘旭辉（陈山聪饰）和Alex／CoCo（李施嬅饰）的穿越爱情故为主线，最后阿萧希望能回到60年代，阻止CoCo的死亡，不过最终却难逃厄运，然后镜头一转，突然回到现在，所有出现过在剧集的人再出现，但全部都改变了身份，像到了另一个平行时空一样，但Alex仍然是空姐，不过没有登上失联的客机，而阿萧却成了机师……不少人留意到有一些有疑念的位置，剧集监制叶镇辉向《香港01》记者解释更多，为大家拆解三大谜团！

首先，命运改变后的Alex在天台的酒吧独自喝酒，为什么林老师（刘江饰）和林哥仔（张彦博饰），还有黑猫“靓宝”会站在另一栋大厦的顶楼望著她？林老师和林哥仔其实是同一人，只是年纪不同的他，为什么可以同时出现？监制就解释︰“其实阿萧返咗去60年代之后，其实某程度都改变咗一啲事，喺唔同嘅时空下，都会有唔同嘅事有变化，咁呢个系佢哋用咗另外一个身分，喺另外一个时空，去望返Alex同埋阿萧再次相遇，佢哋嘅变化各样。咁所以佢哋系用一个protect紧呢一对情侣嘅身分出现，但系所有人都见佢哋唔到。”

这一幕，其实Alex的对白也有点耐人寻味。点击下图续格重温︰

第二，最后的一幕，竟然出现了两个陈山聪，一个帮另一个和CoCo拍照，令人不解！但原来当摄影师的是旭辉，而被拍者是阿萧，监制说︰“你睇言佢哋嘅表情，其实系旭辉帮阿萧影，留意吓个acting系唔同㗎，影相𠮶个同被影𠮶个，一个系嬉皮笑脸啲，一个系认真啲。”所以大家可以理解是表情正经的是旭辉为表情较鬼马的阿萧影相。原来这样做也有含意，“呢一世系阿萧去睇晒成件事揾返前世嘅佢，最尾我想有个message就系，如果系旭辉睇返阿萧又会系点呢个故仔？某程度成件事系一个循环，如果掉转返呢个循环行嘅时候，个故仔又会系点样呢？畀观众多啲想像，咁会有趣啲。”角度掉转，分分钟可以为续集铺排？

另外，当Alex与机师版阿萧相遇，二人本擦身而过，后来转身相视而笑，一幕幕前世今生的回忆重播，是否他们记得之间发生过的种种？“即系全部记得返晒以前啲嘢？我又掉转咁睇㖞，唔系㖞。”监制指就像我们日常生活看到某个人或者某个场景，会觉得我好似发梦见过？“呢个就系正正喺天台，阿萧同Alex对望嘅时候，好似有一见钟情嘅感觉，好似一望触电，但系又好似似曾相识，而呢啲flashback嘅片段，有双重意思，除咗系畀佢哋有一种似曾相识嘅感觉，亦都系畀观众一齐去同步，或者畀林老师同林哥仔，大家同步去回味返阿萧同Alex﹑CoCo同旭辉嘅一啲经历。”但最后他们会否就像之前一样相遇相爱，或再走过另一条路呢？这点就留了白，让大家去想像了。

之前有一幕出现过一个执纸皮婆婆推了阿萧落海，好似想叫他回到过去拯救CoCo一样，让观众有想像空间，早前监制在接受《香港01》访问时，已讲过婆婆其实是Nobody，“系个天注定要你遇到一啲嘢，启发你去做一啲嘢。”原来只是一个巧合。

点击下图重温结局的片段︰