邓颖芝无惧政治表态失饭票：都系做自己认为啱嘅事

邓颖芝（Vangie）与张纹嘉（Crystal）今日（14/10）现身新城电台接受访问。提到二人何故选择创业卖大闸蟹，升呢做“蟹后”？Vangie笑言：“呢门生因为赚钱，哈哈，其实咁啱识咗个供应商，而佢又话可以供应到畀我哋，自己又谂到香港人都钟意食大闸蟹，而自己一年又食几次，咁就索性自己卖埋啦！”Crystal直言凡事都要亲力亲为送货上门：“其实每次我送货嘅时候，个造型都好随便，试过送完货后，个客Whatsapp问我系唔系Crystal，令我都好意外。”

不过最近Vangie可能就因政治表态，而导致失去内地工作机会，日前并在IG限时动态有感而发写道：“因为良知，失去了长期饭票。我有手有脚，唔上去唱都唔会饿死的，香港人，加油！解约就解约吧！”Vangie就此事表示：“其实因为近来香港嘅局势，自己都想主力留返喺香港做嘢，解约方面都系同内地嘅agent公司解咗约，损失都有几十万，所以宜家都要努力卖蟹。”（有咩驱使你咁敢言？）Vangie直言：“都唔系话敢唔敢言嘅，都系做返自己认为啱嘅嘢，所以都唔想再将呢件事放大。”