袁伟豪晒20年前《烈火战车2》片段 爆炸头造型：年少头发密过人
撰文： 洪晓璇
出版：更新：
每个人都年轻过，趁后生尝试多啲新玩意新造型，当下觉得自己好潮，但过多十年廿年睇返就会得啖笑。袁伟豪呢晚睇返20年前旧相，同大家分享当年走在时代尖端嘅造型。
想当年袁伟豪校草选举夺冠入行后，系拍广告、电影为主，呢日佢分享数张20年前，1999年拍《烈火战车2极速传说》嘅相同片段。佢留言话：“正所谓年少，头发都密过人，大家可能都未必知原来大头文系我。”
当年呢个啡金色爆炸头，真系少啲勇气都唔得，原来袁伟豪唔系戴假发真系自己走去电发，另外一张相见到佢赤裸上身，比依家青涩兼瘦削得多，唔知如果佢依家整返呢个头，粉丝又BUY唔BUY呢？