【开心速递】最重口味CP诞生　当昌哥恋上少欣：我净系睇你都够

卢宛茵饰演嘅崔Auntie不时都会出现喺《爱‧回家之开心速递》，之前仲讲到佢𠮶位非常壮健嘅失婚女儿少欣同大厦保安昌哥一见倾心，不过未有交代二人能否开花结果。

喺昨晚一集，由李嘉男扮女装嘅少欣再次登场，故事仲已经发展到晶哥已经系少欣嘅Mr.Right，虽然恋情不被崔Auntie所接受，但反而令为爱而只身来港嘅少欣更加坚定，仲表示：“只要能够同昌哥一齐，I don't care！”当众人以为昌哥同少欣只系因被打压而建立嘅恋情十分脆弱时，不惜出动大妈舞去离间，估唔到少欣竟然话昌哥系因为自己唔喺身边而感到寂寞，更表示可以为爱去学跳舞，昌哥一句“我净系睇你都够”，又指二人嘅缘份系天注定，情深又骨痺。之不过，由于少欣角色设定为30多岁，而昌哥则为60多岁，令呢段忘年恋非常之重口味，再加上二人不时非常摸住手仔咁“昌哥”、“少欣”，观众睇完随时都饭都食唔落。其实，《开心速递》最近除了呢对CP外，俊华 （罗鸿饰）同杨洋 （刘思希饰）呢对父女CP亦十分有潜力，监制更表示唔排除会安排二人有咀戏，睇嚟《开心速递》愈来愈重口味……

点击下图逐格睇寻晚播出𠮶集嘅精彩片段：