李荣浩一个月减16磅　分享餐单及瘦身要点

做艺人就算几瘦都好，因为电视16比9拉阔咗嘅关系，都无可避免要KEEP FIT甚至减肥。上个月刚刚同杨丞琳领证结婚嘅李荣浩，出道以来都系行实力派路线，高高瘦瘦同个肥字扯唔上关系，但早2日佢就透露自己一个月减咗16斤（磅），吓坏唔少网友。

李荣浩10月8日于微博分享自己减肥心得，佢话自己一日只食一餐“午餐（水煮鸡胸肉 水煮西兰花 水煮红薯），戒掉一切精细的淀粉（米和面）”除咗饮食，每日仲要做一小时运动，有氧或重量型都可以。李荣浩仲点出好紧要嘅一点“早睡（比运动还管用）”

早瞓对减肥有帮助真系新观点㖞，原来系因为瞓咗无咁易觉得饿：“当你深夜饥饿难忍时，要想此时此刻脂肪正在被消耗，一切都是值得的。”以上几点最少要坚持一个月：“坚持一个月以上（如果只能坚持两三天建议不要开始，纯属浪费感情和生命），一个月后如果依然不瘦，建议改变自己的审美，觉得越胖越好看，以后就再也不用减了，一劳永逸。”