何超莲跟窦骁返加拿大疑见家长　与男友契妹打成一片

撰文： 洪晓璇
出版：更新：
何超莲同窦骁拍拖愈见高调。（微博：＠娱乐扒少）

赌王何鸿燊今年屋企喜事一箩箩，何超盈何猷启相继生B荣升父母，何超莲亦公开恋情，同内地男星窦骁打得火热，9月尾公开外游拖手兼锡锡相片，真系甜到羡慕死人。原来佢地嘅旅程仲未完，窦骁仲疑似带超莲见家长添﹗

九月尾超莲上载闪爆锡锡相片　（IG：@laurindaho）

超莲喺9月29日上载3张同窦骁拍拖嘅相片，佢地唔单止著住情侣装手拖手，有一张更放闪咀咀，据知当时佢地喺大溪地度假，原来转眼间已经飞到加拿大。有位叫Rida Wang嘅加拿大电台主持，上载数张同窦骁及超莲嘅合照，原来佢同窦骁由细玩到大，系契兄妹关系。见到相片中超莲同Rida Wang一齐戴头盔，似乎系去咗踩单车，又有唔少头贴头合照。

转眼间原来佢地已经去到加拿大，同窦骁契妹周围玩（IG：@haoruii ）
超莲成功融入男友生活园子，同佢契妹似乎相当投契（IG：@haoruii ）

更重要一点系此行疑似系超莲见家长之旅，事关窦骁其实自细跟父母移民到加拿大，后来因为对演艺方面有浓厚兴趣，所以返内地发展，而佢嘅父母一直留咗喺加拿大生活。呢次窦骁带超莲远赴加拿大，有时间见契妹周围玩，相信都一定有抽时间探望两老，睇嚟佢地嘅感情发展真系一日千里，随时要留意几时有好消息公布啦﹗

窦骁契妹仲上载短片，见到窦骁轻抚超莲面颊，不禁留言笑佢地撒狗粮放闪（微博：@娱乐扒少 ）