【出走地图2】王镇泉俄罗斯零下30度初尝冬泳　苦撑5分钟：震到晕

TVB娱乐新闻台主播王镇泉（Jeoffrey）与台湾前黑涩会美眉牟韵洁（小牛）早前去到俄罗斯最北方城市摩尔曼斯克和莫斯科等地为J2旅游节目《出走地图2》拍摄。两位踏上北极圈，在极寒恶劣天气下为大家介绍当地好玩好食。节目目前播出第4集，收视不俗。

除了要忍受当地零下30度的恶劣天气外，Jeoffrey更要在镜头前初尝冬泳，接受《香港01》访问时，他透露：“其实出发前10日先知要露肉，当时都几崩溃，因为我唔系sale大只，但都冇计要顶硬上。（要冬泳系咪都好崩溃？）我大学嘅时候教过水，做过游水教练，又入过校队。所以要游水都冇问题，但冬泳就唔同啲，落水之前我哋要做半个钟热身，所以个人热辣辣跳落去负30度嘅水都算OK，当讲晒对白之后，导演就放小牛上水先，要我喺水入面继续讲嘢，足足浸咗5至6分钟，而连教练平时都净系浸到30秒至1分钟。但完晒之后，导演竟然话仲要拍多过一齐跳落水嘅Shot，就真系想死喇，因为已经冇时间做热身，真系震到晕。”

俄罗斯的自然美景，美不胜收！有幸在当地欣赏极光的Jeoffrey亦大叫感动，但最令他精神为之一振绝对是俄罗斯美女的热情。Jeoffrey更笑言自己有种“投错胎”的感觉：“俄罗斯好似系一个女多男少嘅国家，男女比例失衡比较严重，唔知系咪咁，当地嘅俄妹都好热情又主动，所以男人都好幸福。（咁有冇艳遇呀？）其实我第一次去俄罗斯系去做洪金宝同刘德华《特工爷爷》嘅探班，𠮶阵已经有好多俄妹主动走过嚟撩你倾计同合照，而今次都有两个女仔走嚟同我讲中文同影相，好似突然间觉得自己好受欢迎。（有冇成功呀？）冇呀，因为佢哋睇落得十几岁，太细个。（港男喺俄罗斯好有市场？）我觉得系呀，俄妹同亚洲面孔唔会抗拒，而我早排去法国，就觉得自己一文不值。所以喺香港揾唔到女朋友嘅男仔绝对可以去俄罗斯试吓。”

点撃下图睇俄妹！

虽然Jeoffrey之前亦拍过《3日2夜》等旅游节目，但首次与台湾团队合作的他就称好好玩：“因为台湾人都比较热情，所以好快同大家熟。而最深体会就系今次导演比较专注要拍得比观众觉得有几好玩，主持人嘅面口都系其次，所以都启发到我好多。（同女主持有冇爱火花？）冇，佢有男朋友，不过我哋都系好朋友，仲有互相写明信片畀大家。”

点撃下图睇更多女主持福利照！