【后生仔倾吓偈】冯盈盈想揾高大男生　原因竟系：谂住抱起嚟……

最新一集《后生仔倾吓偈》以“哈比人”为题，仲特地揾埋身高153CM嘅黄美棋做嘉宾。节目中，提到香港男仔平均身高为173CM而女生则为159CM时，麦明诗曾经为自己嘅身高而感到烦闷，仲研究过唔同嘅增高方案，当中包括打荷尔蒙：“我研究晒所有生长机制，膝盖等关节生长，有啲位系有助增高，keep住有荷尔蒙的话就可以生长。”呢个偏方到底work唔work呢?麦明诗话因为要逾20万，所以打消咗念头，但身边真系有朋友试过。再加上她有感当你增高咗之后，又会觉得未够高，如此一来，不如用厚底鞋／高跟鞋解决。

其后，一众男士被问到会唔会嫌弃女仔生得矮时，冯盈盈抢先答：“有啲钟意玩长腿。”并透露自己择偶时，都会偏好高大男生，而原因并唔系想下一代高啲，而系“争系谂住抱起嚟……抱同锡”。