传无线取消台庆亮灯　 阿Bob林盛斌：我哋呢啲小薯仔畀唔到意见

林盛斌（Bob）昨日（28/9）出席在中环活动。谈到有传无线取消11月8日节目巡礼与亮灯仪式，原因是担心近几个月社会运动所带的影响，怕举行当日会被狙击，Bob就话：“我都系从媒体得知呢个消息，其实之前都有参与亮灯仪式主持，亦都知道会有好多广告客户嚟睇，至于会唔会影响广告收益，相信TVB佢哋会有佢哋嘅衡量，唔知会唔会喺其他大日子例如台庆做返呢个亮灯客户巡礼仪式，相信营业部嘅同事亦会好好同啲广告客户处理广告嘅安排。”

问取消节目巡礼是否与社会运动有关？Bob直言：“我又冇好特别留意，到底两件事有冇直接嘅关系，我谂广告客户与无线大家有大家嘅考量，佢哋可能会觉得呢个时候好唔好做呢个亮灯仪式都系公司嘅安排，我哋呢啲作为小薯仔角色，就唔会有啲可以参与畀意见。”