【全民造星II．专访】姜涛接受花姐挑战亲拣接班人：见到佢哗一声
ViuTV重量级自制节目《全民造星II》终于在乱世中登场，于明晚（30／9）起，逢周一至周五晚上10点半播出，合共45集，播足9个星期；据知，访问当天，比赛的录影进程已由最初96位参赛者，淘汰至只剩下40强，包括中途突然加入战团的MIRROR。日前三位大师兄 ── 姜涛、Ian（陈卓贤）以及Anson Lo（卢瀚霆）收到监制花姐（黄慧君）委派的“秘密任务”，从30位跻身40强的《造星II》新学员当中，各自挑选心目中的夺冠大热。记者的焦点，当然落在姜涛身上，作为第一届《造星》的冠军得主兼现时MIRROR的风头趸，他的答案必定会成为全港观众推测新一届冠军得主的重要参考。他介绍这位心水人选时说：“我第一次喺面试见到佢嘅时候，我系哗咗一声！”到底哪位参赛者魅力非凡，能够吸引“姜B”注目，成为他眼中的接班人？
撰文：游大东
摄影：陈顺祯
短片：吕荣栋、詹郭敏、岑卓熹
剪接：吕荣栋
Ian惺惺相惜拣泰裔Hugo Anson Lo赞Aiden高大煞食
今次专访，伟大的花姐要求隶属男团MIRROR的三位师兄 ── 姜涛、Ian和Anson Lo从《造星II》里拣出心水夺冠大热人选，绝对不能说容易；毕竟现时比赛进程经已去到40强，赛事愈见艰辛，新学员能够排除万难获得评判赏识留在擂台上，必定有其个人之处，而且彼此实力差距极细，他们仨在工作超级繁忙的情况下，要记清楚所有人的名字、外表还有卖点，再逐一比较，继而得出最后答案，于受访时具体告诉记者自己的想法，难度达五星星。
到底他们点样拣？逐个讲！首先出场的是MIRROR队中的“唱家班”Ian，他的心水大热门，是今年26岁，有泰国血统的82号参赛者丘凯雄（Hugo）。“初初睇佢哋第一轮表演嘅时候，我就比较留意唱歌多啲嘅，Hugo唱歌真系好好听，佢一开声就可以令你觉得，佢表演嘅𠮶几分钟系会全程咁望住佢。”Ian强调，无论是Hugo的唱歌技巧、声线以及台风都非常之好，咦，这不就是花姐与歌迷喜欢Ian的原因吗？果然是相惜。
轮到跳舞最强的“教主”Anson Lo，他尤其看好于赛前已成为顶头大热兼传媒焦点的64号参赛者洪助升（Aiden）。“我觉得Aiden本身嘅外型其实好吸引，因为佢够高大，一定好煞食，同埋我好欣赏佢识得自弹自唱，佢嘅‘杀手锏’系自弹自唱一啲抒情嘅慢情歌，我自己就觉得好冧。”查实Aiden只比Anson Lo年轻一岁（后者1995年出世），而且两位在参赛期间，一早已被归类为“好靓仔”的类别，经常吸引很多女粉丝找他们合照“集邮”，所以今匀Aiden获“教主”青睐可谓相当合理。
游大东其他文章：
【全民造星II】星级导师改由陈洁灵担任 刘美君已录影片段或全删
【全民造星II】决赛或对撼无线颁奖礼 花姐：唔知公司有冇咁谂！
【专访】凭《我们与恶的距离》首争金钟视后 贾静雯赞剧本出色：睇完就想演
首轮面试对Phoebus印象深刻 姜涛：我系哗咗一声！
最“难搞”的可能是姜涛了，始终他是去年《全民造星》的冠军得主，身上背负不同标签与代号 ──“妹妹＋学生＋姨妈＋姑姐的至爱小鲜肉”、“嫩版彭于晏”、“超级冠军”、“香港演艺界未来希望”、“MIRROR焦点”、“ViuTV金蛋” ── 令他架在头上的光环闪闪发亮，扬一扬手，已够瞩目，何况被要求挑选接班人，必定会成为粉丝热切讨论的话题吧？！那么新一届《造星》里，他的心水热门选择是……“我拣嘅系Phoebus啦，我觉得佢喺我心目中，我记得第一次喺公开面试嘅时候见到佢，我系哗咗一声嘅，无论佢拣嘅歌，佢嘅身高（181cm）、外观呀，同埋综合喺舞台上表演嘅𠮶种Style，都系我钟意嘅𠮶一种。”
记者追问姜涛：你“哗出声”是否因为觉得Phoebus比自己更优胜？姜涛点头并解释，“虽然今次《造星II》我哋（MIRROR）都有参加，但我唔会成日觉得，我可以教到佢哋（新学员）啲乜嘢，反而我系想喺第二季嘅参赛者入面学到新嘢，我自己嘅心态系咁样。”坐在另一边听到姜涛这样称赞自己，14号参赛者吴启洋（Phoebus）脸上显得有点难以置信，甚至可以说有点尴尬，想立即说清楚似的，奈何记者点名叫Hugo先说感受，他感激Ian选了自己，难掩兴奋。“因为Ian喺上届赛事入面，算是唱歌比较稳定比较好的参赛者，所以得到佢嘅肯定，我真系好开心，而家佢咁欣赏我，又推荐我，我觉得喺呢个比赛上，系一个好高嘅Honour（荣耀）。”
大概听到Hugo说出“Honour”这个词汇，在旁的Phoebus似乎顿时Find a right word去表达自己感受，“就住Hugo咁讲，我就有一个好高、高、高嘅Honour！我觉得（姜涛）千祈唔好咁讲！”是因为担心被“姜糖”批评才有如此反应吗？ “唔系，因为佢讲到（我）好劲，好似劲过佢，系冇可能，真系冇可能，因为我睇佢嘅个人音乐会表演啦，佢而家喺表演上所有嘢都好成熟，所以我觉得要赢佢真系冇可能，但我觉得唔会攞佢嚟比拼，希望嚟紧比赛大家都可以学多啲嘢！”至于Aiden知道自己成为Anson Lo的心水人选后亦相当高兴。“旧年我系有睇第一届《造星》，我觉得于过去一年间，Anson佢喺MIRROR入面嘅成长，系令我几欣赏，尤其系佢首新歌《Be my girl》（与姜涛合唱），我自己好钟意，所以有佢赏识我，我系好开心。”
MIRROR突入《造星II》 Hugo承认初期感不公平
坦白讲，上述部份似是互笠高帽多于回答提问，太过客套的访问，老实说，不会好看到哪里，所以记者尝试问得再尖锐点。据之前花姐透露，现时《造星II》的比赛进程已淘汰至40强，当中仅30位是第二届的新学员，而另外10位是中途加入赛事的MIRROR。这令记者想起，2009年无线主办的第一届《超级巨声》，节目去到中后段，突然让有份胜出踢馆赛的选手空降参赛，跟原有的参赛者一同争夺“金咪大奖”，结果当年冠军是来自江西的踢馆者王雯，此举令很多观众不满，想不到相隔10年这个情况再度出现，虽然花姐早在《造星II》拍摄初期已经有让MIRROR加入的打算，亦曾在接受访问时公开预告，但对于新学员而言，还是有点难接受。
Hugo就是觉得这个赛制不公平的其中一人。“一开始我唔系好钟意呢个制度，原因系我觉得你要将上一届嘅人，摆落嚟同第二届嘅人一齐比赛，我会觉得无论系资历同资源上面都系唔对等。”除非出局，比赛继续，Hugo开始思考为何花姐要有这个构思时，他开始想通了，“花姐唔会无缘无故搞到最后十强都系MIRROR，即系一定唔会咁样，咁我就谂到底背后嘅用意系乜，后来返去屋企谂，我觉得可能我亦都接受咗（这个理由），可能娱乐圈呢一行就系咁样，你唔系同一啲同你一样嘅人比拼，即系好似MIRROR出道，都系同紧一啲唔同嘅人竞争，只不过我哋系早一步喺比赛面对，同埋佢哋亦都唔系抱住一种对抗嘅心态去对待我哋呢理参赛者，佢哋每个人嘅心态都系想令到我哋能力上有提升，将上届参赛嘅经验，放落去我哋身上，令到大家可以揾到自己，做得更好。”而事实上，已有两名MIRROR成员遭踢出局，无缘继续参加《造星II》，所以Hugo最初的想法严格来说并不成立。
Aiden舞技大跃进 Phoebus从观察中学习
Phoebus与Aiden则坦言知道身为师兄的MIRROR要加入比赛，与自己同台较劲的时候，没有想过这样的制度是否公平，反而多谢花姐有此安排。Aiden说，参赛的目标非为攞奖，而是从其他参赛者身上学习，一起成长，“我觉得多了12位师兄（MIRROR）出现，会令我们更加能够吸收舞台经验，台上的表演元素会更加丰富，因为我嘅心态系究竟可以喺佢哋身上学到乜嘢，多过呢个制度公唔公平。”Aiden认为自己从MIRROR身上学到最多的就是跳舞，尤其要感激Anson Lo，“佢跳舞真系好犀利，佢能够将一个完全唔识跳舞嘅人，变到而家叫做‘郁得到下’，同埋我而家够胆喺评判或者镜头面前跳舞，亦都可以好自信咁呈现唔同嘅我，所以我系好多谢 Anson Lo。”Aiden又说，为了应付《造星II》每一轮淘汰赛，事前有两个星期准备，他所属的那一组，每天就需要在排舞室练习10至12小时舞步，由白天跳到入黑，翌日继续，每轮至少排练过百小时，认真博到尽。
贵为“姜涛眼中的热门”，才22岁的Phoebus直言，参赛已经有几个月，觉得自己在舞台演绎及歌唱两大方面都有很多进步空间，所以他欢迎MIRROR突入《造星II》。“其实佢哋唔使畀意见我，只要喺旁边睇佢哋演出，都已经会有好多谂法，你刚才问我，佢哋中途参赛呢件事公唔公平，我觉得冇话公唔公平，因为佢哋入咗嚟之后系启发咗我哋好多，可能我哋睇番同辈表演，都唔会有佢哋咁熟，始终佢哋已经表演咗一年，你会见到佢哋踩上台，𠮶种自如嘅走位，（舞步）运用嘅空间，我们仍然比较弱，所以每次睇佢哋演出，都会知道可以点样做，令我哋表演进步咗好多。”