C君完成过大礼仪式松一口气：发明𠮶个人真系好劲，促进经济

C君同未婚妻黄天颐拍拖5年，感情稳定，早就打入对方嘅生活圈子。今年2月C君求婚成功后，积极筹备婚礼。距离12月8号大日子仲有2个几月，呢日C君正式向女家过大礼啦﹗

C君揾嚟好兄弟陆永帮手，传统上过大礼需要嘅椰子篮、唐饼、礼金盒，仲有男家送嘅2对龙凤鈪以及耳环，墙上贴上双囍加上一对准新人齐齐著红衫，够晒喜庆。C君笑言：“过大礼原来有咁多规矩咁多仪式咁多嘢，发明呢样嘢𠮶个人真系好劲，促进感情更加促进经济，多谢！”