【街坊财爷】黎诺懿一个原因睇好黄智雯攞视后：佢应该坐定粒六

黎诺懿周五（20日）出席无线电视剧《街坊财爷》“新世代争霸战”宣传活动，他笑言自从2003年的《四叶草》后就没有在电视剧中谈过恋爱：“《BB来了》一嚟已经做人老公，唔知系咪因为自己做咗爸爸，好少接触好似Mandy（黄智雯）咁嘅女仔谈情，今次重拾恋爱嘅感觉！我有啲大胆同监制讲话可唔可以拍得靓少少，因为我好耐冇谈过情，所以监制系唔系都book水车，我都觉得几浪漫，观众又好似几钟意。”

黎诺懿与黄智雯在《街坊财爷》中饰演情侣，而刚好黄智雯与黎诺懿的太太李洁莹是同届香港小姐，对此黎诺懿笑言：“同太太啲朋友合作唔可以撩其他女仔，惊Mandy爆俾太太听！”这也是二人第一次合作，黎诺懿就对黄智雯赞不绝口：“呢个女孩子无论戏内戏外都会好锡佢，令你好快就投入。”甚至预言Mandy今年有机会夺得视后宝座：“连续两年我嘅对手攞视后都冇失过手，第一年系唐诗咏，第二年系李佳芯，今年就系黄智雯，所以佢应该坐定粒六做套靓衫攞奖！”问到黎诺懿本人对视帝有没有信心，他更进取地说：“我年年都好有信心！今年仲要囊括飞跃、最佳主持、视帝、最佳情侣四个大奖！”

问到黎诺懿在电视剧中比较喜欢谈恋爱还是当爸爸，他就说：“两样嘢嚟嘅，Mandy系大人嘛轻松好多，《BB来了》就应付啲思想未成熟嘅小朋友，但佢哋又好得意。”所以黎诺懿近来就衍生了一个想法：“我见到《BB来了》𠮶七个‘尹猪猪’开始长大，就好想同佢哋一齐做综艺节目，等佢哋大多少少，我呢个爸爸同Ali（李佳芯）妈妈可以同七个猪猪做啲嘢，但拍剧就唔好喇，我惊应付唔嚟！”

黎诺懿不时在个人社交媒体分享儿子小春鸡的成长片段，最新一段小春鸡更挑战演技；说到儿子，黎诺懿眼里洋溢着爱意：“我啱啱喺马来西亚返嚟，冇见佢五日，觉得佢大个咗好多，都发现佢学嘢好快！”这也令黎诺懿在家中更注意自己的言行：“我讲电话都匿埋讲，我唔想啲不必要嘅词语出现咗而俾佢学咗，尽量控制！”问到黎诺懿希望小春鸡长大后当演员吗？他就斩钉截铁地说：“唔想，千其唔好！我成日都话演员系个好被动嘅行业，希望阿仔乖乖地，去做一啲创造机会嘅行业。”