关晓彤中空上衣被网民毒舌：胸呢？为什么像屁股！

自从同鹿晗拍拖之后，关晓彤身价唔同晒之余，一举一动都备受关注。而目前人在米兰参加Prada 2020春夏时装骚嘅关晓彤，频频喺微博同IG上载靓相，不过其中一款造型就引起唔少网民讨论，原因系关晓彤身穿嘅黑色短版上衣，除有旗袍式衣领外，心口位置以大圆形挖空剪裁。

虽然呢件衫能够突显关晓彤嘅纤细腰身，而且仲有少少马甲线，但唔少网民睇完相之后，都十分好奇关晓彤嘅心口位点解会如此奇妙，除有网民问“胸呢？”之外，亦有人以为关晓彤将上衣翻转著，又或者笑佢件衫似小朋友著嘅开裆裤，露出了股沟，毒舌得嚟非常好笑。但亦有网民力撑关晓彤呢身打扮有形有格，并指佢“太平公主，好帅”。