强尼新剧《假设性无罪》攞正牌“骚扰”女同事 ：咁样话我唔公道

ViuTV艺人强尼（许博文）今日（18/9）现身黄埔出席电影《二次人生》开镜活动。强尼今次在戏中饰演一名年轻有为地产经理，与旧同学李志行（饰胡子彤）相遇，成为上司下属关系：“我喺工作上都好照顾佢，因为佢做人好颓废，咁所以我觉得做人唔可以咁，所以要成日睇住佢，叫佢做人积极啲。”

讲到现实中自己是否一样咁积极？强尼笑言：“现实中⋯我都算系挂，大家都知我哋做呢行都好被动，其实我都做咗一段时候喇，总会试过多嘢做嘅时候，亦有试过冇嘢做嘅时候，咁所以会明白要揾嘢学，自我增值，甚至乎要揾定其他出路，例如做生意咁。”

以办公室性骚扰作为主题的ViuTV剧集《假设性无罪》（又名《Me Too》）将于10月初首播，强尼笑言：“一听个戏名就知我在剧中就系做一个衰人，一畀人睇到实话我呢个仲唔系仆X个只，其实呢个角色畀我好尽情去做，啲人成日话我做番自己，其实对我好唔公道，不过成个团队都合作得好开心。”