【开心速递】扮斯文老师获激赞　苏可欣：要揾返心底嘅自己！

《爱．回家之开心速递》为了令观众有新鲜感，经常都会加入不同演员饰演新角色。日前第667集 （17/9）播出的一集中就讲述了“谭氏外遇”的故事，而这一集更新加入了一位新任的学校Miss－温文老师。人如其名，温文老师不止举止斯文，就连说话声线都十分温文尔雅。不过，有睇开无线另一皇牌节目《3日2夜》的，都认得她就是“激流女神”苏可欣（Eunice）。

Eunice接受《香港01》访问时表示，虽然不是首次加入剧组，但却是最多对白的一次。她说：“我系特登咁样讲嘢，希望有个反差，大家睇落就会觉得有趣啲。剧组无要求（讲嘢要文绉绉），不过我又想好笑，同埋Helen姐个角色系斯文嘅，想同佢贴近啲所以先至扮斯文。其实我惊大家太刺激，所以先阴声细气，我只系用咗平时讲嘢三成功力。你知我平时系点㗎啦，咁样讲嘢好辛苦㗎，不过Helen姐有赞我讲对白好，大家睇得开心就得！”

【3日2夜】苏可欣比坚尼玩激流　最怕有意外：唔知玩玩下飞咩出嚟

【3日2夜】郑衍峰镜头前一语道破女神缺点　苏可欣反击：你有啲亏

“扮斯文”有甚么要注意？她笑言：“要揾返心底嘅自己就系难处！”除了角色要斯文，其实还要背夫偷夫，她续说：“其实睇温文老师都似外表斯文，内里Open𠮶种...虽然剧情唔可以讲太多，不过我估我应该系同宋老师继续背夫偷食，同宋老师同一间学校就手啲嘛，我谂应该会同宋老师有得继续挂。”其实一个角色会不会再出现，某程度上都取决于观众的反应。Eunice还表示有观众直接IG Direct她：“有人Send Message畀我，话：‘我想要你咁嘅老师。’”