Jessica@SG向亲友派嫁女饼 爆圈外男友日本影婚照烦过女人
撰文： 陈栢宇
出版：更新：
Super Girls成员蔡明思（Jessica）今年4月与拍拖近6年的圈外男友陈冠 （Steven）订婚，并将于下月27号在台北的酒店摆婚宴。距离婚礼还有一个月时间，今日（24/9）Jessica先向各方亲戚好友送上嫁女饼，同时附上一张印有二人于日本拍摄婚纱相卡，卡上还有二人英文名Jessica及Steven的缩写“JS”的Logo。
Jessica透露早前于日本米子市拍摄以大自然为主题的婚纱相，今次带了三套婚纱过去日本，其中见她在沙滩上与男友拍摄的一套婚纱，露背之余亦有开胸设计，非常性感，她表示：“拍摄的婚纱男友冇特别畀意见，冇唔畀性感，而且影的婚纱唔系结婚当日𠮶套，反而结婚套婚纱都好性感，几Deep V，我都有问佢如果着呢套OK吗？可能有长辈比较传统，未必太钟意。佢就话着我觉得好的婚纱，唔洗谂咁多，佢话佢乜都OK。”
虽然男友对婚纱冇要求，但Jessica笑言对方拍摄当日“烦过女人”，连摄影师都顶唔顺，她笑说：“佢成日都好Chok，连摄影师都顶唔顺，成日笑佢‘得㗎喇，可以出道喇’。因为佢对于自己影的相好有要求，当摄影师只系影紧我，佢就不断在旁边摆甫士，摄影师见到就唔好意思唔理佢，走埋去同佢影几张相。”
Jessica透露男友比自己更紧张拍摄效果，搞到她当日累到唔想再影，她说：“佢有好多Idea，畀好多参考图摄影师睇，不过佢就乐在其中，比女仔要求更多。虽然今次系几好玩，不过因为佢好多要求，影到我好累，我同佢讲唔好再影，佢就会话‘我人生得一次，你好好配合我啦’，反而系男仔咁同女仔讲，都几好笑！”